ആലപ്പുഴ: കായംകുളം ഹാർബറിന് പടിഞ്ഞാറ് ഭാഗത്ത് മത്സ്യബന്ധനത്തിനിടെ വള്ളത്തിൽ ഉണ്ടായ തീപിടുത്തത്തിൽ വയർലെസ് സെറ്റ്, ജിപിഎസ്, എക്കോ സൗണ്ടർ, ക്യാമറ തുടങ്ങിയ ഉപകരണങ്ങൾ കത്തിനശിച്ചു. ആറാട്ടുപുഴ കള്ളിക്കാട് സ്വദേശി രാജുവിന്റെ ഉടമസ്ഥതയിലുള്ള ഭാഗ്യ നക്ഷത്രം ലൈലന്റ് എന്ന വള്ളത്തിലാണ് കഴിഞ്ഞ ദിവസം രാവിലെ 7:30-ന് തീപിടുത്തം ഉണ്ടായത്.

പാചകത്തിനിടെ ഗ്യാസ് സിലിണ്ടറിന്റെ പൈപ്പ് ചോർന്നതാണ് തീപിടുത്തത്തിന് കാരണമായത്. കാറ്റിന്റെ സാന്നിധ്യത്തിൽ തീ പെട്ടെന്ന് ആളിപ്പടർന്നു. സ്രാങ്കിന്റെ ക്യാബിനിലേക്കും തീ വ്യാപിച്ചതോടെ വള്ളത്തിലുണ്ടായിരുന്ന 45 തൊഴിലാളികൾ പരിഭ്രാന്തരായി. വെള്ളം പമ്പ് ചെയ്ത് തീ അണയ്ക്കാൻ ശ്രമിച്ചെങ്കിലും വിജയിച്ചില്ല. വള്ളത്തിലെ എണ്ണയ്ക്ക് തീ പിടിച്ചതോടെ കൂടി കറുത്ത പുക ഉയർന്നു.

ALSO READ: ജിഎസ്ടി നികുതി കുറച്ചതോടെ വാഹനപ്രേമികൾക്ക് ആശ്വാസം: ഏതൊക്കെ കാറുകൾക്കാണ് 40% നികുതി? വില കുറയുമോ

വള്ളത്തിന്റെ ഉടമസ്ഥനായ രാജു കൊളുത്തുപോലുള്ള നീളമുള്ള കമ്പി ഉപയോഗിച്ച് ഗ്യാസ് സിലിണ്ടർ വലിച്ചുമാറ്റി ഓഫ് ചെയ്തതോടെയാണ് തീ നിയന്ത്രണവിധേയമായത്. എന്നാൽ, വള്ളത്തിനും മത്സ്യബന്ധന വലയ്ക്കും കേടുപാടുകൾ സംഭവിച്ചു. ഏകദേശം മൂന്ന് ലക്ഷം രൂപയുടെ നഷ്ടമാണ് കണക്കാക്കുന്നത്.

A fire broke out on the fishing boat Bhagya Nakshatram Lailant owned by Raju from Kallikkad, during fishing off Kayamkulam harbor. Caused by a gas cylinder pipe leak, the fire destroyed equipment like GPS, wireless set, and echo sounder, and damaged the boat and nets. The crew of 45 extinguished the fire, but losses are estimated at ₹3 lakh