അബൂദബി: 2025 ഏഷ്യാ കപ്പിനുള്ള 17 അംഗ യുഎഇ ടീമിനെ ഓപ്പണർ മുഹമ്മദ് വസീം നയിക്കും. 2025 സെപ്റ്റംബർ 9 മുതൽ 28 വരെ യുഎഇയിലാണ് ടൂർണമെന്റ് നടക്കുന്നത്. ദുബൈയിൽ 11 മത്സരങ്ങളും അബൂദബിയിൽ 8 മത്സരങ്ങളും നടക്കുന്ന ഈ ടൂർണമെന്റ് രണ്ട് വേദികളിലായാണ് അരങ്ങേറുന്നത്.

ഇന്ത്യ, ഒമാൻ, പാകിസ്ഥാൻ എന്നിവർക്കൊപ്പം ഗ്രൂപ്പ് എ-യിൽ ആണ്  യുഎഇ ഉള്ളത്. സെപ്റ്റംബർ 10 ന് യുഎഇ തങ്ങളുടെ ആദ്യ മത്സരത്തിൽ ഇന്ത്യയെ നേരിടും. ദുബൈ അന്താരാഷ്ട്ര സ്റ്റേഡിയത്തിലാണ് മത്സരം. സെപ്റ്റംബർ 15 തിങ്കളാഴ്ച അബൂദബിയിലെ സായിദ് ക്രിക്കറ്റ് സ്റ്റേഡിയത്തിൽ ഒമാനുമായാണ് യുഇയുടെ രണ്ടാം മത്സരം. സെപ്റ്റംബർ 17 ബുധനാഴ്ച ദുബൈ അന്താരാഷ്ട്ര സ്റ്റേഡിയത്തിൽ പാകിസ്ഥാനുമായി നടക്കുന്ന മത്സരത്തോടെ യുഎഇയുടെ ഗ്രൂപ്പ് ഘട്ട മത്സരങ്ങൾ അവസാനിക്കും.

തുടർന്ന, ഓരോ ഗ്രൂപ്പിലെയും മികച്ച രണ്ട് ടീമുകൾ സെപ്റ്റംബർ 21 ഞായറാഴ്ച മുതൽ ആരംഭിക്കുന്ന സൂപ്പർ ഫോറിലേക്ക് മുന്നേറും.

ALSO READ: സാങ്കേതിക തകരാർ; ടേക്ക് ഓഫിന് മിനിറ്റുകൾ മാത്രം ശേഷിക്കെ റദ്ദാക്കി ട്രിച്ചി-ഷാർജ വിമാനം; പകരം വിമാനത്തിനായി യാത്രക്കാർ കാത്തിരുന്നത് മണിക്കൂറുകളോളം

യുഎഇ ടീം:
മുഹമ്മദ് വസീം (നായകൻ), അലിഷാൻ ശരാഫു, ആര്യൻഷ് ശർമ (വിക്കറ്റ് കീപ്പർ), ആസിഫ് ഖാൻ, ധ്രുവ് പരാശർ, ഈഥൻ ഡിസൂസ, ഹൈദർ അലി, ഹർഷിത് കൗശിക്, ജുനൈദ് സിദ്ദിഖ്, മതിയുള്ള ഖാൻ, മുഹമ്മദ് ഫാറൂഖ്, മുഹമ്മദ് ജവാദുള്ള, മുഹമ്മദ് സൊഹൈബ്, രാഹുൽ ചോപ്ര (വിക്കറ്റ് കീപ്പർ), രോഹിദ് ഖാൻ, സിമ്രൻജീത് സിംഗ്, സാഗിർ ഖാൻ.

സപ്പോർട്ട് സ്റ്റാഫ്:
അംജദ് എസ്സി (ടീം മാനേജർ), ലാൽചന്ദ് രാജ്പുത് (മുഖ്യ പരിശീലകൻ), അസ്ഹറുദ്ദീൻ ഖുറേഷി (സ്ട്രെങ്ത് ആൻഡ് കണ്ടീഷനിംഗ് കോച്ച്), മണിപ്രീത് സിദ്ദു (വീഡിയോ അനലിസ്റ്റ്), നവീദ് അഹമ്മദ് (ഫീൽഡിംഗ് കോച്ച്), ദർശൻ സിംഗ് (സൈഡ്-ആർമർ), മനീഷ് പ്രദേശി (ഫിസിയോതെറാപിസ്റ്റ്).

ഏഷ്യാ കപ്പ് 2025 – യുഎഇ മത്സര ഷെഡ്യൂൾ:

1) സെപ്റ്റംബർ 10, ബുധൻ: ഇന്ത്യ vs യുഎഇ, വൈകിട്ട് 6:30.
2) സെപ്റ്റംബർ 15, തിങ്കൾ: യുഎഇ vs ഒമാൻ, വൈകിട്ട് 4:00.
3) സെപ്റ്റംബർ 17, ബുധൻ: പാകിസ്ഥാൻ vs യുഎഇ, വൈകിട്ട് 6:30.

The Asia Cup 2025 is scheduled to take place in the UAE from September 9 to 28, with matches divided between two venues: Dubai (11 matches) and Abu Dhabi (8 matches).