ദുബൈ: എമിറേറ്റ്‌സ് റോഡില്‍ ഉണ്ടായ വാഹനാപകടത്തില്‍ ഒരാള്‍ മരിക്കുകയും രണ്ടു പേര്‍ക്ക് പരുക്കേല്‍ക്കുകയും ചെയ്തു. തിങ്കളാഴ്ചയാണ് എമിറേറ്റ്‌സ് റോഡില്‍ ദുബൈ ക്ലബ്ബ് പാലത്തിന് സമീപം വാഹനാപകടമുണ്ടായത്. പരുക്കേറ്റവരുടെ നില ഗുരുതരമല്ലെന്ന് ദുബൈ പൊലിസ് അറിയിച്ചു. ദുബൈയില്‍ നിന്നും ഷാര്‍ജയിലേക്കുള്ള പാതയില്‍ മൂന്ന് വാഹനങ്ങള്‍ കൂട്ടിയിടിക്കുകയായിരുന്നു. മുന്നില്‍ പോയ വാഹനത്തില്‍ നിന്ന് കൃത്യമായ അകലം പാലിക്കാതെയാണ് പുറകെയുള്ള വാഹനങ്ങള്‍ വന്നതെന്നും ഇതാണ് അപകടത്തിന് കാരണമായതെന്നും പൊലിസ് ചൂണ്ടിക്കാട്ടി.

ALSO READ: യുഎഇയിൽ ചാറ്റ് ഫീച്ചറുകൾ താൽക്കാലികമായി നിർത്തിവച്ച് റോബ്ലോക്സ്; തീരുമാനം കുട്ടികളുടെ ഡിജിറ്റൽ സുരക്ഷ വർധിപ്പിക്കാൻ 

വാഹനാപകടത്തില്‍പ്പെട്ട മിനി ട്രക്കും സെഡാനും പൂര്‍ണമായി തകര്‍ന്നു. ഇതിന്റെ ദൃശ്യങ്ങള്‍ അധികൃതര്‍ പുറത്തുവിട്ടിരുന്നു. അതേസമയം അപകടത്തില്‍പ്പെട്ട് മരിച്ചയാളെക്കുറിച്ചോ പരുക്കേറ്റവരെക്കുറിച്ചോയുള്ള കൂടുതല്‍ വിവരങ്ങള്‍ പുറത്തുവിട്ടിട്ടില്ല. തിങ്കളാഴ്ച ഉച്ചയ്ക്കാണ് വാഹനാപകടത്തെക്കുറിച്ച് വിവരം ലഭിച്ചതെന്ന് ദുബൈ പൊലിസ് ജനറല്‍ ട്രാഫിക് ഡിപ്പാര്‍ട്ട്‌മെന്റ് ഡയറക്ടര്‍ ജുമാ സാലിം ബിന്‍ സുവൈദാന്‍ വ്യക്തമാക്കി. പൊലിസിന്റെ പ്രാഥമിക അന്വേഷണത്തില്‍ വാഹനങ്ങള്‍ തമ്മില്‍ മതിയായ അകലം പാലിച്ചിരുന്നില്ലെന്ന് വ്യക്തമായതായും അദ്ദേഹം കൂട്ടിച്ചേര്‍ത്തു.

ദുബൈയിലെ റോഡുകളില്‍ ഉണ്ടാകുന്ന മിക്ക അപകടങ്ങള്‍ക്കും കാരണം സുരക്ഷിതമായ അകലം പാലിക്കാതെയുള്ള ഡ്രൈവിംഗാണ്. ഇത്തരത്തിലുള്ള നിയമലംഘനങ്ങള്‍ മാരകമായ അപകടങ്ങള്‍ക്ക് കാരണമായേക്കാം. ചിലപ്പോള്‍ യാത്രക്കാരുടെ മരണത്തിനും ഹേതുവായേക്കാം. ഫെഡറല്‍ നിയമം അനുസരിച്ച് ഇത്തരം നിയമം ലംഘിക്കുന്നവരുടെ മേല്‍ 400  ദിര്‍ഹം പിഴയും 4 ബ്ലാക്ക് പോയിന്റും ചുമത്തും.

ALSO READ: എമിറേറ്റ്സ് സ്കൈകാർഗോയുടെ വളർച്ചയ്ക്കായി പുതിയ ബോയിംഗ് വിമാനങ്ങൾ; ധനസഹായ കരാറിൽ ഒപ്പുവച്ച് എമിറേറ്റസ് എൻബിഡി 

വാഹനങ്ങള്‍ക്കിടയില്‍ സുരക്ഷിതമായ അകലം പാലിക്കാത്തതാണ് യുഎഇയിലെ റോഡ് മരണങ്ങളില്‍ ഏറ്റവും വലിയ മൂന്നാമത്തെ കാരണം. സാധാരണ വാഹനങ്ങള്‍ തമ്മില്‍ സുരക്ഷിതമായ അകലം പാലിക്കാത്ത ഡ്രൈവര്‍മാരെ പൂട്ടാന്‍ റഡാറുകള്‍ ഉപയോഗിക്കുമെന്നും ഇവര്‍ക്കെതിരെ കര്‍ശന സഇക്ഷ ചുമത്തുമെന്നും ദുബൈ പൊലിസ് നേരത്തേ അറിയിച്ചിരുന്നു. ഇതുകൂടാതെ, ഒന്നിലധികം ട്രാഫിക് നിയമലംഘനങ്ങള്‍ നടത്തുന്നവരുടെ വാഹനങ്ങള്‍ 30 ദിവസത്തേക്ക് കണ്ടുകെട്ടുമെന്നും ദുബൈ പോലിസ് അറിയിച്ചു. 

a tragic road accident in the emirates claimed one life and left two others injured.