മിലാൻ: വിഖ്യാത ഇറ്റാലിയൻ ഫാഷൻ ഡസൈനർ ജോർജിയോ അർമാനി (91) അന്തരിച്ചു. ഫ്ലൂയിഡ് ജാക്കറ്റുകളും ലളിതമായ തയ്യൽ രീതികളും കൊണ്ട് ആധുനിക വസ്ത്രധാരണത്തെ പുനർനിർവചിച്ച അർമാനി കോച്ചർ റൺവേകൾ മുതൽ പെർഫ്യൂമുകൾ, ഹോട്ടലുകൾ വരെ വ്യാപിച്ച വലിയൊരു ബിസിനസ് ശൃംഖലയുടെ ഉടമ കൂടിയായിരുന്നു. ഏകദേശം പത്ത് ബില്യൺ ഡോളർ മൂല്യം വരുന്ന ബിസിനസ് സാമ്രാജ്യത്തിന്റെ സ്ഥാപകനായിരുന്നു അദ്ദേഹം. അർമാനി മരിച്ചതായി അദ്ദേഹത്തിന്റെ ഫാഷൻ ഹൗസ് തന്നെയാണ് ഇൻസ്റ്റാഗ്രാമിലൂടെ അറിയിച്ചത്.

"ജീവനക്കാരും സഹപ്രവർത്തകരും എപ്പോഴും ബഹുമാനത്തോടെ കണ്ടിരുന്ന മിസ്റ്റർ അർമാനി, തന്റെ പ്രിയപ്പെട്ടവരുടെ സാന്നിധ്യത്തിൽ വെച്ച് സമാധാനപരമായി അന്തരിച്ചു. അവസാന നാളുകൾ വരെ അദ്ദേഹം അക്ഷീണം പ്രവർത്തിച്ചു, കമ്പനിക്കായി വ്യത്യസ്തവും എപ്പോഴും പുതിയതുമായ പ്രോജക്റ്റുകൾക്കായി അദ്ദേഹം സ്വയം സമർപ്പിച്ചു." കമ്പനിയുടെ അറിയിപ്പിൽ വ്യക്തമാക്കി.

ALSO READ: ഓര്‍മകളില്‍ ഒരിക്കല്‍ കൂടി കണ്ണീര്‍ മഴ പെയ്യിച്ച് ഹിന്ദ് റജബ്; 'ദി വോയ്സ് ഓഫ് ഹിന്ദ് റജബ്' വെനീസ് ചലച്ചിത്രമേളയില്‍ പ്രേക്ഷകരുടെ ഉള്ളുലച്ച് ഗസ്സയിലെ അഞ്ചു വയസ്സുകാരിയുടെ അവസാന നിമിഷങ്ങള്‍, 23 മിനുട്ട് നിര്‍ത്താതെ കയ്യടി  

"അമ്പത് വർഷത്തെ ചരിത്രമുള്ള, വികാരങ്ങളാലും ക്ഷമയാലും വളർന്ന ഒരു കമ്പനിയാണ് ജോർജിയോ അർമാനി. സ്വാതന്ത്ര്യം, ചിന്ത, പ്രവൃത്തി എന്നിവയെ എപ്പോഴും തന്റെ മുഖമുദ്രയാക്കിയാണ് ജോർജിയോ അർമാനി പ്രവർത്തിച്ചിട്ടുള്ളത്. ഇന്നും എപ്പോഴും ഈ വികാരത്തിന്റെ പ്രതിഫലനമാണ് കമ്പനി. ഈ മൂല്യങ്ങളെ ബഹുമാനിച്ചും തുടർച്ചയോടെയും കുടുംബവും ജീവനക്കാരും ഗ്രൂപ്പിനെ മുന്നോട്ട് കൊണ്ടുപോകും."

ഈ മാസം മിലാൻ ഫാഷൻ വീക്കിൽ തന്റെ കൈയൊപ്പ് ചാർത്തിയ ജോർജിയോ അർമാനി ഫാഷൻ ഹൗസിന്റെ 50 വർഷം ആഘോഷിക്കുന്നതിനായി ഒരു വലിയ പരിപാടി ആസൂത്രണം ചെയ്യുന്നതിനിടെയായിരുന്നു അദ്ദേഹത്തിന്റെ വിയോ​ഗം.

Legendary Italian fashion designer Giorgio Armani, founder of the Armani brand, has passed away. Known for redefining global fashion with his timeless elegance, Armani leaves behind an unparalleled legacy.