റിയാദ്: സൗദി അറേബ്യയിലെ ഫാര്‍മസി മേഖലകളില്‍ (Pharmacy Sector) സ്വദേശിവല്‍ക്കരണം (Saudization) ഇന്ന് മുതല്‍ (ജൂലൈ 27) നടപ്പാക്കുന്നു. കമ്മ്യൂണിറ്റി ഫാര്‍മസികളിലും മെഡിക്കല്‍ കോംപ്ലക്‌സുകളിലും 35%, ആശുപത്രികളില്‍ 65%, മറ്റ് ഫാര്‍മസി അനുബന്ധ രംഗത്ത് 55% ശതമാനവും സ്വദേശിവല്‍ക്കരണം വേണമെന്ന ചട്ടമാണ് ഇന്ന് മുതല്‍ പ്രാബല്യത്തില്‍ വന്നത്. 
അഞ്ചോ അതിലധികമോ ഫാര്‍മസി പ്രൊഫഷണലുകളുള്ള സ്ഥാപനങ്ങള്‍ക്കാണ് പുതിയ പരിഷ്‌കാരം ബാധകം. മലയാളികളുള്‍പ്പെടെയുള്ള പ്രവാസികള്‍ ഏറെ ജോലിചെയ്യുന്ന സൗദി അറേബ്യയിലെ ഫാര്‍മസി മേഖലകളിലെ സ്വദേശി വല്‍കരണം ഘട്ടം ഘട്ടമായി നടപ്പാക്കാനാണ് തീരുമാനം.

പുതിയ നിയമപ്രകാരം ഫാര്‍മസ്യൂട്ടിക്കല്‍ ഫാക്ടറികള്‍, മരുന്ന് മൊത്തവിതരണ കമ്പനികള്‍, ഗവേഷണ സ്ഥാപനങ്ങള്‍ എന്നിവയില്‍ 55 ശതമാനം തൊഴിലുകള്‍ സഊദി പൗരന്മാര്‍ക്ക് നീക്കിവെക്കണം. സൗദി പൗരന്മാരായ ഫാര്‍മസിസ്റ്റുകള്‍ക്ക് മിനിമം ശമ്പളം 7,000 റിയാലായി  (1.60 ലക്ഷം രൂപ) നിശ്ചയിച്ചിട്ടുമുണ്ട്. അതേസമയം സഊദി ഫാര്‍മസിസ്റ്റുകള്‍ക്ക് തൊഴിലില്‍ ആവശ്യമായ റിക്രൂട്ട്‌മെന്റ്, പരിശീലനം എന്നിവക്ക് സാമ്പത്തിക സഹായം നല്‍കുമെന്നും നിയമത്തില്‍ വ്യവസ്ഥയുണ്ട്.

ജനറല്‍ ഫാര്‍മസിസ്റ്റ്, ക്ലിനിക്കല്‍ ഫാര്‍മസിസ്റ്റ്, അഡ്മിനിസ്‌ട്രേറ്റീവ് ഫാര്‍മസിസ്റ്റ്, ഫാര്‍മസി ടെക്‌നീഷ്യന്‍ എന്നിങ്ങനെ ഫാര്‍മസി മേഖലയിലെ 22 അംഗീകൃത തൊഴിലുകള്‍ സൗദിവല്‍ക്കരണ പരിധിയില്‍ ഉള്‍പ്പെടുന്നതാണ്. മൂന്നോ അതിലധികമോ ദന്തഡോക്ടര്‍മാരുള്ള സ്ഥാപനങ്ങള്‍ക്കാകും നിയമം ബാധകമാകുക. രാജ്യത്ത് ഏകദേശം 14,000 ഫാര്‍മസികള്‍ പ്രവര്‍ത്തിക്കുന്നുവെന്നാണ് 2024ലെ കണക്ക് നല്‍കുന്ന സൂചന. 

ഇതോടൊപ്പം ദന്തപരിചരണ രംഗത്തും (Dental Sector) സ്വദേശിവല്‍ക്കരണം നടപ്പാക്കുന്നുണ്ട്. അടുത്ത വര്‍ഷത്തോടെ ഡെന്റല്‍ മെഖലയില്‍ 55 ശതമാനം സ്വദേശിവല്‍കരണം നടപ്പാക്കാനാണ് നീക്കം. 

നേരത്തെ വിദേശികള്‍ക്ക് താല്‍ക്കാലികമായി ഫാര്‍മസികള്‍ സ്വന്തമാക്കാന്‍ അനുമതി സഊദി അറേബ്യ നല്‍കിയിരുന്നു.ഫാര്‍മസികളുടെ ഉടമസ്ഥാവകാശം സഊദി പൗരന്മാര്‍ക്ക് മാത്രമായി പരിമിതപ്പെടുത്തിയിരുന്ന മുന്‍ നിബന്ധന റദ്ദാക്കിയാണ് പുതിയ പരിഷ്‌കരണം. 1995ല്‍ പുറപ്പെടുവിച്ച അനുബന്ധ സംവിധാനത്തില്‍ പട്ടികപ്പെടുത്തിയിരിക്കുന്ന പ്രവര്‍ത്തനങ്ങള്‍ക്കായി ഉടമയ്ക്ക് സഊദി പൗരത്വം ഉണ്ടായിരിക്കണമെന്ന നിര്‍ബന്ധമില്ലാതെ താല്‍ക്കാലിക അടിസ്ഥാനത്തില്‍ അനുവദനീയമാണെന്ന് പുതിയ തീരുമാനം വ്യവസ്ഥ ചെയ്യുന്നു.

ALSO READ: കുവൈത്ത് ആരോഗ്യ മന്ത്രാലയം ജീവനക്കാരിയായ മലയാളി യുവതി ഹൃദയാഘാതംമൂലം മരിച്ചു

Ministry of Human Resources and Social Development (HRSD), in partnership with the Ministry of Health, will begin enforcing the decision to raise Saudization rates for pharmacy-related professions on July 27. The decision includes 35% Saudization of community pharmacies and medical centers, 65% in hospitals, and 55% in other pharmacy-related activities.