മാഞ്ചസ്റ്റർ: ഇംഗ്ലണ്ടിനെതിരായ നാലാം ടെസ്റ്റിൽ സെഞ്ച്വറി നേടി ഇന്ത്യൻ നായകൻ ശുഭ്മൻ ഗിൽ. രണ്ടാം ഇന്നിങ്‌സിലാണ് ഇന്ത്യൻ നായകൻ സെഞ്ച്വറി നേടിയത്. 238 പന്തിൽ 102 റൺസാണ് ഗിൽ നേടിയത്. 12 ഫോറുകൾ അടങ്ങുന്നതാണ് ഗില്ലിന്റെ പ്രകടനം. ഈ പരമ്പരയിലെ ഗില്ലിന്റെ നാലാം സെഞ്ച്വറി ആയിരുന്നു ഇത്. ടെസ്റ്റ് കരിയറിലെ ഗില്ലിന്റെ 18ാം സെഞ്ച്വറി ആയിരുന്നു ഇത്. ഇതോടെ 25 വയസ്സിനുള്ളിൽ ഏറ്റവും കൂടുതൽ സെഞ്ച്വറി നേടിയ താരങ്ങളുടെ പട്ടികയിൽ വെസ്റ്റ് ഇൻഡീസ് ഇതിഹാസം ക്രിസ് ഗെയ്‌ലിനൊപ്പമെത്താനും ഗില്ലിന് സാധിച്ചു. 

 

 

നിലവിൽ ഈ പട്ടികയിൽ അഞ്ചാം സ്ഥാനത്താണ് ഗിൽ. 40 സെഞ്ച്വറികൾ സച്ചിന് ടെണ്ടുൽക്കർ ആണ് ഈ പട്ടികയിൽ ഒന്നാം സ്ഥാനത്തുള്ളത്. 26 സെഞ്ച്വറികളുമായി വിരാട് കോഹ്‌ലി രണ്ടാം സ്ഥാനത്തുമുണ്ട്. 21 സെഞ്ച്വറികൾ നേടിയ കെയ്ൻ വില്യംസണും, 19 സെഞ്ച്വറികൾ നേടിയ ജോ റൂട്ടുമാണ് ഈ പട്ടികയിൽ മൂന്നും നാലും സ്ഥാനങ്ങളിൽ ഉള്ളത്.

ALSO READ: സച്ചിന് ശേഷം ഈ നേട്ടത്തിലെത്തുന്ന ആദ്യ താരം; 35 വർഷങ്ങൾക്ക് ശേഷം ചരിത്രമെഴുതി ഗിൽ

നേരത്തെ ഒന്നാം ഇന്നിങ്സിൽ ബാറ്റ് ചെയ്ത ഇംഗ്ലണ്ട് 669 റൺസിനാണ് പുറത്തായത്. ഇംഗ്ലണ്ട് നിരയിൽ ജോ റൂട്ട്, ക്യാപ്റ്റൻ ബെൻ സ്റ്റോക്സ് എന്നിവർ സെഞ്ച്വറി നേടി. 248 പന്തിൽ 150 റൺസാണ് റൂട്ട് അടിച്ചെടുത്തത്. 14 ഫോറുകൾ അടങ്ങുന്നതാണ് താരത്തിന്റെ ഇന്നിങ്‌സ്. ബെൻ സ്റ്റോക്സ് 198 പന്തിൽ 141 റൺസും നേടി. 11 ഫോറുകളും മൂന്ന് സിക്‌സും അടങ്ങുന്നതാണ് ഇംഗ്ലണ്ട് ക്യാപ്റ്റന്റെ ഇന്നിംഗ്സ്. 

ഒന്നാം ഇന്നിങ്സിൽ ഇന്ത്യ 358 റൺസാണ് നേടിയത്. ഇന്ത്യക്കായി യശ്വസി ജെയ്‌സ്വാൾ, സായ് സുദർശൻ, റിഷബ് പന്ത് എന്നിവർ അർദ്ധ സെഞ്ച്വറി നേടി മികച്ച പ്രകടനമാണ്‌ നടത്തിയത്. 151 പന്തിൽ ഏഴ് ഫോറുകൾ ഉൾപ്പെടെ 61 റൺസ് ആണ് സുദർശൻ നേടിയത്. ജെയ്‌സ്വാൾ 107 പന്തിൽ 58 റൺസും നേടി. 10 ഫോറുകളും ഒരു സിക്സും അടങ്ങുന്നതായിരുന്നു താരത്തിന്റെ ഇന്നിങ്സ്. പന്ത് 75 പന്തിൽ മൂന്ന് ഫോറുകളും രണ്ട് സിക്സുകളും ഉൾപ്പെടെ 54 റൺസും നേടി. കെഎൽ രാഹുൽ 46 റൺസും ഷാർദുൽ താക്കൂർ 41 റൺസും സ്വന്തമാക്കി. 

Indian captain Shubman Gill scored a century in the fourth Test against England. The Indian captain scored a century in the second innings. With this, Gill was able to join West Indies legend Chris Gayle on the list of players who have scored the most centuries under the age of 25.