പാലക്കാട്: സ്‌കൂളിലേക്ക് പോവുകയായിരുന്ന പെണ്‍ കുട്ടികള്‍ക്ക് മുന്നില്‍ കാറിലിരുന്ന് നഗ്‌നത പ്രദര്‍ശിപ്പിക്കുകയും, മൊബൈലില്‍ കുട്ടികളുടെ ഫോട്ടോ എടുക്കുകയുംചെയ്ത കേസില്‍ നടന്‍ ശ്രീജിത്ത് രവിയെ രക്ഷിക്കാന്‍ പൊലിസ് ശ്രമിക്കുന്നതായി സൂചന.
നടന്‍ ശ്രീജിത്ത് രവിക്ക് മാനസികാസ്വാസ്ഥ്യം ഉള്ളതിനാലാണ് കുറ്റകൃത്യം ചെയ്തതെന്ന് വരുത്തി തീര്‍ക്കാനാണ് പൊലിസ് നീക്കം. ഇതിന്റെ ഭാഗമായി സൈക്യാട്രിസ്റ്റിനെ സമീപിച്ചതായാണ് സൂചന. അതേ സമയം ശ്രീജിത്ത് അറസ്റ്റിലാവുന്ന സമയത്ത് സിനിമാ ലൊക്കേഷനിലാണെന്നും, മാനസിക രോഗമുണ്ടെങ്കില്‍ ഷൂട്ടിങുമായി സഹകരിക്കാന്‍ കഴിയില്ലെന്നും പെണ്‍കുട്ടികളുടെ രക്ഷിതാക്കള്‍ പറയുന്നു.
ഇതിനിടയില്‍ കേസ് ഒത്തു തീര്‍പ്പാക്കാന്‍ രാഷ്ട്രീയ, സിനിമാ രംഗത്തെ ചില പ്രമുഖര്‍  സമ്മര്‍ദം ചെലുത്തി കൊണ്ടിരിക്കുന്നതായും പറയപ്പെടുന്നു.