പൊന്നാനി: ഒന്നാംക്ലാസുകാരിയെ തെരുവു നായ കടിച്ചു പരുക്കേല്‍പ്പിച്ചു. പൊന്നാനി എ.വി ഹൈസ്‌കൂളിന് സമീപം താമസിക്കുന്ന   സാദിയ എന്ന കുട്ടിയെയാണ് സ്‌കൂള്‍ വിട്ടുവരുംവഴി തെരുവുനായ കടിച്ചത്. അഞ്ചോളം തെരുവു നായകള്‍ കൂട്ടത്തോടെ ആക്രമിക്കുകയായിരുന്നുവെന്ന് ദൃക്‌സാക്ഷികള്‍ പറഞ്ഞു.
ബി.ഇ.എം.യു.പി സ്‌കൂള്‍ വിദ്യാര്‍ഥിയാണ് സാദിയ. ഗുരുതരമായി പരുക്കേറ്റ കുട്ടിയെ തൃശൂര്‍ മെഡിക്കല്‍ കോളജില്‍ പ്രവേശിപ്പിച്ചു.