കൽപ്പറ്റ: ഉരുളിന്റെ ഇരുളിൽ നീലനിലാവിന്റെ പ്രകാശമായിരുന്നു അവർ. നീലക്കോട്ടണിഞ്ഞ് തിമർത്തുപെയ്യുന്ന പേമാരിയിലും സ്വയം സമർപ്പിതരായി എസ്.കെ.എസ്.എസ്.എഫ് വിഖായ വളണ്ടിയർമാർ. പ്രകൃതിദുരന്തം തീരാവേദനകൾ സമ്മാനിച്ച ചൂരൽമലയിലും മുണ്ടക്കൈയിലും വിഖായ വിങ് രക്ഷാപ്രവർത്തനങ്ങളിൽ സജീവ സാന്നിധ്യമായി. കനത്ത മഴയും മലവെള്ളപ്പാച്ചിലും ഗൗനിക്കാതെ ജീവന്റെ തുടിപ്പുകൾ തേടി മനസുപതറാതെ അവർ നിറഞ്ഞുനിന്നു.  വിഖായ വയനാട് ജില്ലാ ചെയർമാൻ ഫൈസൽ മുട്ടിൽ, കൺവീനർ ഇബ്രാഹിം തരുവണ എന്നിവരുടെ നേതൃത്വത്തിലായിരുന്നു രക്ഷാപ്രവർത്തനങ്ങളുടെ ഏകോപനം. 

വയനാട് ജില്ലയ്ക്ക് പുറമെ നീലഗിരി, കോഴിക്കോട്, കൊടുക്, മലപ്പുറം, പാലക്കാട് ജില്ലകളിൽ നിന്നുൾപ്പെടെ വിഖായയുടെ പ്രവർത്തകർ ദുരന്തഭൂമിയിൽ എത്തിയിരുന്നു. ഉരുൾപൊട്ടലുണ്ടായ രാവിൽ പുലർച്ചെ നാലോടെ ജില്ലയിലെ വിഖായ പ്രവർത്തകർ സ്ഥലത്തെത്തി രക്ഷാപ്രവർത്തനങ്ങളിൽ പങ്കാളികളായി. ഒടുവിൽ വീടുകളിലും മറ്റും അവശേഷിച്ച സാധനങ്ങളെല്ലാം സുരക്ഷിത സ്ഥാനങ്ങളിലേക്ക് എത്തിച്ച ശേഷമാണ് ദുരന്തഭൂമിയിൽനിന്ന് അവർ മടങ്ങിയത്. ദുരന്തമുഖത്ത്, ഖബർസ്ഥാനുകളിൽ, പുത്തുമലയിലെ പൊതുശ്മശാനത്തിൽ, മയ്യിത്ത് പരിപാലനത്തിൽ, വാഹനങ്ങൾ നിയന്ത്രിക്കാൻ, ഭക്ഷണം, വെള്ളം, വസ്ത്രം എന്നിവ എത്തിക്കാൻ അവർ കൈമെയ് മറന്ന് ഓടിനടന്നു. പലരെയും ജീവിതത്തിലേക്ക് തിരികെയെത്തിക്കാൻ ഇവരടങ്ങുന്ന രക്ഷാപ്രവർത്തകരുടെ സേവനങ്ങൾക്കായി. 

ALSO READ: ഉരുൾ, ഇരുൾ, ജീവിതം: മരണമെത്തുന്ന നേരത്ത് ഉറ്റവരെ തിരഞ്ഞ്...

വീടുകൾ വൃത്തിയാക്കിയും പൊതുസ്ഥലങ്ങൾ ശുചീകരിച്ചും പള്ളി, മദ്‌റസ ക്ലീൻ ചെയ്തും വാടക വീടുകളിലേക്ക് മാറുന്നവർക്ക് സഹായമൊരുക്കിയും മൃഗങ്ങൾക്ക് ഭക്ഷണമെത്തിച്ചും വിഖായ വേറിട്ടുനിന്നു. ആശയറ്റവർക്ക് ആശ്രയമായി പൊതുസമൂഹത്തിന്റെ പ്രശംസയും അവർ ഏറ്റുവാങ്ങി.

They were the light of the blue moon amid the darkness of the landslide. Dressed in blue, unwavering even in the pouring rains, the SKSSF Vikaya volunteers stood selflessly committed. In Chooralmala and Mundakkai, where the natural disaster brought unbearable pain, the Viqaya Wing became a strong presence in the rescue operations.