ന്യൂഡൽഹി: ദേശീയപാതകളിലും എക്സ്പ്രസ്‌വേകളിലും ടോൾ പിരിവ് സുഗമമാക്കാൻ കേന്ദ്ര സർക്കാർ പുതിയ സാങ്കേതികവിദ്യ അവതരിപ്പിക്കുന്നു. വാഹനങ്ങൾ ടോൾ പ്ലാസകളിൽ നിർത്താതെ കടന്നുപോകാൻ അനുവദിക്കുന്ന ഓട്ടോമാറ്റിക് നമ്പർ പ്ലേറ്റ് റെകഗ്‌നിഷൻ (ANPR) അധിഷ്ഠിത ഫാസ്ടാഗ് സിസ്റ്റം (AFS) ആദ്യഘട്ടത്തിൽ എട്ട് ടോൾ പ്ലാസകളിൽ പരീക്ഷണാടിസ്ഥാനത്തിൽ നടപ്പാക്കും. പദ്ധതി വിജയകരമായാൽ രാജ്യവ്യാപകമായി വ്യാപിപ്പിക്കുമെന്ന് കേന്ദ്ര റോഡ് ഗതാഗത ഹൈവേ മന്ത്രാലയം (MoRTH) അറിയിച്ചു.

നിലവിൽ ടോൾ പിരിവിനായി ഉപയോഗിക്കുന്ന ഫാസ്ടാഗ് സംവിധാനം 2019 ഡിസംബറിൽ രാജ്യവ്യാപകമായി നടപ്പാക്കിയിരുന്നു. ടോൾ പ്ലാസകളിലെ തിരക്ക് കുറയ്ക്കാനും സുതാര്യമായ ടോൾ ശേഖരണം ഉറപ്പാക്കാനും ലക്ഷ്യമിട്ട ഈ സംവിധാനം ഒരുപരിധി വരെ വിജയിച്ചെങ്കിലും, പല ടോൾ പ്ലാസകളിലും നീണ്ട വാഹനനിരകൾ ഇപ്പോഴും തുടരുകയാണ്.

ALSO READ: കന്യാസ്ത്രീകൾക്കെതിരെ മൊഴി നൽകാൻ നിർബന്ധിച്ചത് ബജറംഗ്ദൾ നേതാവ്; ഞെട്ടിക്കുന്ന വെളിപ്പെടുത്തലുമായി പെൺകുട്ടി 

ഈ പ്രശ്നം പരിഹരിക്കാൻ കേന്ദ്രം പരിഗണിച്ച രണ്ട് സാങ്കേതികവിദ്യകളിൽ ഒന്നായിരുന്നു സാറ്റലൈറ്റ് അധിഷ്ഠിത ടോൾ പിരിവ്. എന്നാൽ, സുരക്ഷയും സ്വകാര്യതയും സംബന്ധിച്ച ആശങ്കകൾ കണക്കിലെടുത്ത് ANPR-ഫാസ്ടാഗ് സംവിധാനത്തിനാണ് മുൻതൂക്കം നൽകിയത്. ANPR ക്യാമറകൾ വാഹനങ്ങളുടെ നമ്പർ പ്ലേറ്റ് വായിച്ച് തിരിച്ചറിയുകയും, നിലവിലുള്ള ഫാസ്ടാഗ് സംവിധാനം വഴി ടോൾ തുക ഓട്ടോമാറ്റിക്കായി ഈടാക്കുകയും ചെയ്യും. ഇതോടെ ടോൾ പ്ലാസകളിൽ വാഹനങ്ങൾ നിർത്തേണ്ട ആവശ്യം വരില്ല.

ALSO READ: യൂസ്ഡ് ഇവികൾക്ക് റീസെയിൽ വില കുറവോ?; ഇലക്ട്രിക് വാഹനങ്ങൾ വാങ്ങുന്നതിന് മുമ്പ് ഈ ശീലങ്ങൾ നിങ്ങൾക്കുണ്ടെങ്കിൽ പണി കിട്ടും

പൈലറ്റ് പ്രോജക്ടിനായി തെരഞ്ഞെടുത്ത എട്ട് ടോൾ പ്ലാസകളിൽ ക്യാമറകൾ സ്ഥാപിച്ച് പരീക്ഷണം ആരംഭിച്ചതായി മന്ത്രാലയം രാജ്യസഭയെ  അറിയിച്ചു. ബാരിക്കേഡുകൾ നീക്കം ചെയ്യുമെങ്കിലും, റോഡരികിലെ മറ്റ് ഉപകരണങ്ങൾ നിലനിർത്തും.

ദേശീയപാതകളിൽ മൾട്ടി-ലെയ്ൻ ഫ്രീ ഫ്ലോ (MLFF) അധിഷ്ഠിത ഇലക്ട്രോണിക് ടോൾ കളക്ഷൻ (ETC) സംവിധാനം നടപ്പാക്കുന്നതിലൂടെ ടോൾ പിരിവിന്റെ കാര്യക്ഷമത വർധിപ്പിക്കാനും വാഹനങ്ങളുടെ സുഗമമായ ഒഴുക്ക് ഉറപ്പാക്കാനും കഴിയുമെന്നാണ് മന്ത്രാലയത്തിന്റെ പ്രതീക്ഷ. എന്നാൽ, കേരളത്തിലെ ഒരു ദേശീയപാതയും ഈ പൈലറ്റ് പ്രോജക്ടിൽ ഉൾപ്പെട്ടിട്ടില്ല.

ALSO READ: ഐപിഎസ് ഉദ്യോഗസ്ഥന്റെ ഭാര്യയെ മരിച്ച നിലയിൽ കണ്ടെത്തി: മരണത്തിൽ ദു​രൂഹത; സിസിടിവി ദൃശ്യങ്ങൾ പുറത്ത്

The Indian government is set to introduce a new Automatic Number Plate Recognition (ANPR)-based FASTag system, allowing vehicles to pass toll plazas without stopping. The system will be piloted at eight toll plazas, with plans for nationwide expansion if successful, aiming to reduce congestion and enhance toll collection efficiency