കൊച്ചി: കൊച്ചി മെട്രോ റെയിൽ പാലത്തിൽ നിന്നും താഴേക്ക് ചാടിയ യുവാവ് മരിച്ചു. തിരൂരങ്ങാടി ചുള്ളിപ്പാറ വീരാശേരി കുഞ്ഞുമൊയ്തീന്റെ മകൻ നിസാറാണ് മരിച്ചത്. തൃപ്പൂണിത്തുറ വടക്കേക്കോട്ട–എസ്എൻ ജങ്ഷൻ മെട്രോ സ്റ്റേഷനുകൾക്കിടയിലെ പാലത്തിൽ നിന്നുമാണ് യുവാവ് റോഡിലേക്ക് ചാടിയത്. സംഭവത്തെ തുടർന്ന് തൃപ്പൂണിത്തുറക്കും കടവന്ത്രക്കും ഇടയിൽ മെട്രോ സർവീസ് നിർത്തിവെച്ചു.

ഉച്ചയ്ക്ക് രണ്ട് മണിയോടെയാണ് സംഭവം. വടക്കേക്കോട്ട മെട്രോ സ്റ്റേഷനിൽ എത്തിയ യുവാവ് തൃപ്പൂണിത്തുറയിലേക്ക് പോകാൻ ടിക്കറ്റ് എടുത്താണ് സ്റ്റേഷന്റെ പ്ലാറ്റഫോമിൽ എത്തിയത്. തുടർന്നു പ്ലാറ്റുഫോമിൽ നിന്ന് ട്രാക്ക് ബ്രിഡ്ജിലൂടെ ഓടുകയായിരുന്നു. യുവാവ് ഓടുന്നത് കണ്ട ജീവനക്കാർ ഉടൻ ട്രാക്കിലെ വൈദ്യുതി ബന്ധം വിച്ഛേദിച്ചു. ഇതോടെ മെട്രോ സർവിസുകൾ നിലച്ചു.

ALSO READ: ഓൺലൈൻ തട്ടിപ്പ് കേസ്: ട്രെയിനിൽ നിന്ന് ചാടി രക്ഷപ്പെട്ട് പ്രതി; ഇടുക്കിയിൽ കുടുംബസമേതം ഒളിവിൽ കഴിയുന്നതിനിടെ പിടിയിൽ

യുവാവിനെ പിന്തിരിപ്പിക്കാൻ ശ്രമിച്ചു പിന്നാലെ എത്തിയെങ്കിലും യുവാവ് വഴങ്ങിയില്ല. ഏറെ ദൂരം മുന്നോട്ട് പോകുകയും പില്ലർ നമ്പർ 1013ന് അടുത്തെത്തി. പിന്നാലെ ട്രാക്കിന്റെ ഉൾഭാഗത്ത് നിന്നും കമ്പിവേലി കടന്ന് റോഡിലേക്കുള്ള ഭാഗത്തുകൂടെ ഇയാൾ നടന്നു. ഇതേസമയം, താഴെ ഫയർഫോഴ്സും പൊലിസും സംഭവസ്ഥലെത്തിയിരുന്നു. താഴേക്ക് ചാടുമ്പോൾ പിടിക്കാനായി ഫയർഫോഴ്‌സ് വല വിരിക്കുകയും ചെയ്തു. എന്നാൽ യുവാവ് വലയും മറികടന്ന് താഴേക്ക് ചാടുകയായിരുന്നു.

ALSO READ: തിരൂരിൽ യുവാവ് കുത്തേറ്റ് മരിച്ചു; മുൻവൈരാഗ്യമെന്ന് സൂചന

റോഡിലേക്ക് നേരിട്ട് പതിച്ചതോടെ അതീവഗുരുതരാവസ്ഥയിൽ എറണാകുളത്തെ സ്വകാര്യ ആശുപത്രിയിലേക്ക് ഇയാളെ എത്തിച്ചു. എന്നാൽ മരണം സംഭവിക്കുകയായിരുന്നു. മൃതദേഹം വൈകാതെ പോസ്റ്റ്മോർട്ടത്തിന് അയയ്ക്കും. 

A tragic incident occurred in Kochi where a young man died after jumping off a metro rail bridge. The deceased has been identified as Nisar, son of Veerassery Kunhumoytheen, a native of Chullippara, Tirurangadi.