മുംബൈ: അനിശ്ചിതത്വങ്ങൾക്കൊടുവിൽ ഇന്ത്യൻ സൂപ്പർ ലീഗ് (ഐഎസ്എൽ) (Indian Super League) ഫുട്ബാൾ മത്സരങ്ങൾ ഈ വർഷം തന്നെ നടക്കും. ഓൾ ഇന്ത്യ ഫുട്ബോൾ ഫെഡറേഷൻ (എഐഎഫ്എഫ്) പ്രസിഡന്റ കല്യാൺ ചൗബേയാണ് ആരാധകർ ഏറ്റവും കാത്തിരുന്ന തീരുമാനം പ്രഖ്യാപിച്ചത്. എഐഎഫ്എഫ് ഭരണഘടനയുമായി ബന്ധപ്പെട്ട കേസിൽ സുപ്രിം കോടതിയുടെ ഉത്തരവ് വരുന്നതിന്റെ അടിസ്ഥാനത്തിൽ ലീഗ് പുനരാംഭിക്കാനുള്ള നടപടിക്രമങ്ങളിലേക്ക് കടക്കുമെന്നും അദ്ദേഹം വ്യക്തമാക്കി. എഫ്എസ്ഡിഎൽ, ഐഎസ്എൽ ക്ലബുകൾ എന്നിവരുമായി നടത്തിയ ചർച്ചകൾക്ക് പിന്നാലെയാണ് കല്യാൺ ചൗബേയുടെ പ്രഖ്യാപനം.

പ്രീസീസൺ സെഷനുകൾ ആരംഭിക്കാനും ട്രാൻസ്ഫർ ജാലകത്തിൽ താരങ്ങളെ ടീമിലെത്തിക്കാനും ആവിശ്യപ്പെട്ടിട്ടുണ്ടെന്നും ഡൽഹിയിൽ ചേർന്ന യോഗത്തിന് ശേഷം ചൗബേ അറിയിച്ചു. സൂപ്പർ കപ്പോടെയായിരിക്കും ഈ സീസൺ ആരംഭിക്കുക. സീസണിന് മുന്നോടിയായുള്ള പ്രീ-സീസൺ നടത്തുന്നതിനായി മതിയായ സമയം നൽകണമെന്ന ക്ലബ്ബുകളുടെ ആവശ്യം പരിഗണിച്ചുകൊണ്ട് ആവശ്യമായ സമയം നൽകുമെന്ന് എഐഎഫ്എഫ് അറിയിച്ചു. 

ALSO READ: അർജന്റീനയിൽ മെസിയുടെ പകരക്കാരൻ അവനായിരിക്കും: മുൻ പരിശീലകൻ

അതേസമയം, ചിലവ് ചുരുക്കലിന്റെ ഭാഗമായി സൂപ്പർ കപ്പ് ഘടനയിൽ മാറ്റങ്ങൾ വരുത്താനും സാധ്യത ഉണ്ടെന്നും അദ്ദേഹം കൂട്ടിച്ചേർത്തു. രണ്ടാഴ്ചക്കകം വീണ്ടുമൊരു മീറ്റിംഗ് നടക്കും. അതിലാകും സൂപ്പർ കപ്പ് തീയതികളും ഫോർമാറ്റും തീരുമാനിക്കുക. ഒഡീഷ, മോഹൻ ബഗാൻ ക്ലബുകൾ ഓൺലൈനായും മറ്റു ക്ലബ് പ്രതിനിധികൾ നേരിട്ടും മീറ്റിങ്ങിന്റെ ഭാഗമായി. കോടതി നടപടികൾ വേഗത്തിലാക്കാനും ഭാരവാഹികൾ ശ്രമം നടത്തും.

ഐഎസ്‌എൽ നടത്തിപ്പ് സംഘമായ ഫുട്ബോൾ സ്പോർട്സ് ഡെവലപ്മെന്റ് ലിമിറ്റഡും (എഫ്എസ്ഡിഎൽ), ഓൾ ഇന്ത്യ ഫുട്ബോൾ ഫെഡറേഷനും (എഐഎഫ്എഫ്) തമ്മിലുള്ള മാസ്റ്റർ റൈറ്സ് കരാർ പുതുക്കുന്നതുമായി ബന്ധപ്പെട്ട പ്രതിസന്ധിയാണ് ലീഗിന്റെ നടത്തിപ്പിനെ അനിശ്ചിതത്വത്തിലാക്കിയത്. എന്നാൽ ഇന്നത്തെ യോഗത്തോടെ ഈ പ്രതിസന്ധികൾ അവസാനിക്കുമെന്നാണ് ഫുടബോൾ ലോകം കണക്കാക്കുന്നത്.

Ending weeks of uncertainty, Indian Super League (ISL) football matches will be held within this year, announced All India Football Federation (AIFF) President Kalyan Chaubey — bringing relief to fans eagerly awaiting the decision.