കുവൈത്ത് സിറ്റി: സ്‌നാപ്ചാറ്റ് വഴി അശ്ലീല വീഡിയോകള്‍ പങ്കുവെച്ച പൗരന് മൂന്നു വര്‍ഷം തടവുശിക്ഷ വിധിച്ച് കുവൈത്ത് കോടതി. ഇയാള്‍ ധാര്‍മ്മികത ലംഘിക്കുകയും മറ്റുള്ളവരെ ദുഷ്പ്രവൃത്തിക്ക് പ്രേരിപ്പിക്കുകയും ചെയ്തതായി അധികൃതര്‍ വ്യക്തമാക്കി. കോടതി ഇയാള്‍ക്ക് മൂന്നു വര്‍ഷം കഠിനതടവും 5,000 കുവൈത്ത് ദീനാര്‍ പിഴയും വിധിച്ചു.

ALSO READ: അനസ്‌തേഷ്യ നല്‍കി രോഗിയെ പീഡിപ്പിച്ചു; ഡോക്ടര്‍ക്ക് 7 വര്‍ഷം തടവുശിക്ഷ വിധിച്ച് കുവൈത്ത് കോടതി 

ആഭ്യന്തര മന്ത്രാലയത്തിന്റെ സൈബര്‍ ക്രൈം വകുപ്പ് നടത്തിയ രഹസ്യ അന്വേഷണത്തില്‍ ഇയാള്‍ അധാര്‍മിക പ്രവൃത്തികള്‍ ചെയ്തതായും തന്റെ സോഷ്യല്‍ മീഡിയ പ്ലാറ്റ്ഫോം ഉപയോഗിച്ച് തെറ്റായ കാര്യങ്ങള്‍ പരസ്യമായി പ്രോത്സാഹിപ്പിച്ചതായും കണ്ടെത്തിയിരുന്നു.

തെളിവായി പ്രോസിക്യൂട്ടര്‍മാര്‍ രേഖപ്പെടുത്തിയ റെക്കോര്‍ഡിംഗുകളും ഇലക്ട്രോണിക് സന്ദേശങ്ങളും ഹാജരാക്കി. ഇത് ഇയാളുടെ ഉദ്ദേശ്യത്തിന്റെയും പ്രവൃത്തികളുടെയും തെളിവായി കോടതി സ്വീകരിക്കുകയായിരുന്നു.

ALSO READ: കുവൈത്തിലെ പ്രവാസിയാണോ? മൊബൈല്‍ ഐഡി ആപ്പ് ഉപയോഗിക്കുമ്പോള്‍ ശ്രദ്ധിക്കേണ്ട നിര്‍ദേശങ്ങള്‍ ഇറക്കി പിഎസിഐ

സൈബര്‍ ക്രൈം വകുപ്പ് അവരുടെ റിപ്പോര്‍ട്ടില്‍ ഈ പോസ്റ്റുകളെ 'സാമൂഹിക മൂല്യങ്ങളുടെ നഗ്‌നമായ ലംഘനം' എന്നും 'നിയമത്തിന്റെ ഗുരുതരമായ ലംഘനം' എന്നുമാണ് വിശേഷിപ്പിച്ചത്. സമാനമായ കുറ്റകൃത്യങ്ങള്‍ തടയുന്നതിനും രാജ്യത്തിന്റെ ധാര്‍മ്മിക ഘടന സംരക്ഷിക്കുന്നതിനും പരമാവധി ശിക്ഷ നല്‍കേണ്ടതിന്റെ ആവശ്യകതയും റിപ്പോര്‍ട്ടില്‍ വ്യക്തമാക്കിയിരുന്നു. പ്രതിക്ക് വിധിക്കെതിരെ അപ്പീല്‍ നല്‍കാന്‍ അവകാശമുണ്ടാകും.

A Kuwait court has sentenced a man to three years in prison for sharing an obscene video on Snapchat, reinforcing the country’s strict cybercrime laws.