പെരിന്തല്‍മണ്ണ: വാര്‍ഡ് തലങ്ങളില്‍ മുസ്‌ലിം യൂത്ത് ലീഗിന്റെ സംഘടനാ സംവിധാനം ശക്തിപ്പെടുത്താന്‍ മണ്ഡലം മുസ്‌ലിം യൂത്ത് ലീഗ് കമ്മിറ്റി ആവിഷ്‌കരച്ച 'റിവാംമ്പ് ' റീസ്ട്രക്ചറിങ് ക്യാംപുകള്‍ ആരംഭിച്ചു. ശാഖാ ഭാരവാഹികളെ പങ്കെടുപ്പിച്ച് പ്രത്യേക സംഗമങ്ങള്‍ക്ക് മണ്ഡലം മുസ്‌ലി യൂത്ത് ലീഗ് ക്യാംപാണ് രൂപം നല്‍കിയത്. പെരിന്തല്‍മണ്ണ മുനിസിപ്പല്‍ ഇന്ററാക്ഷന്‍ ക്യാംപ് മുസ്‌ലിം യൂത്ത് ലീഗ് ജില്ലാ ജനറല്‍ സെക്രട്ടറി ഉസ്മാന്‍ താമരത്ത് ഉദ്ഘാടനം ചെയ്തു. ശരീഫ് വിളക്കത്തൊടി അധ്യക്ഷനായി.
 ആലിപ്പറമ്പില്‍ പഞ്ചായത്ത്  മുസ്‌ലിംലീഗ് പ്രസിഡന്റ് ഒ.കെ.എം മൗലവി ഉദ്ഘാടനം ചെയ്തു.  പഞ്ചായത്ത്  യൂത്ത് ലീഗ് സെക്രട്ടറി അബ്ബാസ് മുഴന്നമണ്ണ അധ്യക്ഷനായി. മണ്ഡലം പ്രസിഡന്റ് നഹാസ് പാറക്കല്‍ മുഖ്യപ്രഭാഷണം നടത്തി. മണ്ഡലം ജനറല്‍ സെക്രട്ടറി സി.ടി നൗഷാദലി നേതൃത്വം നല്‍കി.
മേലാറ്റൂര്‍ പഞ്ചായത്ത് ക്യാംപ് പഞ്ചായത്ത്  മുസ്‌ലിംലീഗ് പ്രസിഡന്റ് കെ.വി യൂസഫ് ഹാജി ഉദ്ഘാടനം ചെയ്തു.  പി.കെ സക്കരിയ അധ്യക്ഷനായി. പട്ടിക്കാട് സര്‍വീസ് ബാങ്ക് ഓഡിറ്റോറിയത്തില്‍ സംഘടിപ്പിച്ച ക്യാംപ് എ. ഹക്കീം മാസ്റ്റര്‍ ഉദ്ഘാടനം ചെയ്തു.  അഷ്‌റഫ് കാരാടന്‍ അധ്യക്ഷനായി.
പുലാമന്തോള്‍ കൈരളി ഓഡിറ്റോറിയത്തില്‍ സംഘടിപ്പിച്ച ഇന്ററാക്ഷന്‍ ക്യാംപ് മണ്ഡലം പ്രസിഡന്റ് നഹാസ് പാറക്കല്‍ ഉദ്ഘാടനം ചെയ്തു.  മുജീബ് റഹ്മാന്‍ യു.പി അധ്യക്ഷനായി.