ടോട്ടൻഹാം ഹോട്സ്പർ വിട്ട സൂപ്പർതാരം സൺ ഹ്യൂങ് മിൻ മേജർ ലീഗ് സോക്കർ ക്ലബായ എൽഎഎഫ്സിയിലേക്ക് ചേക്കേറുമെന്ന് റിപ്പോർട്ടുകൾ. താരത്തിന്റെ ട്രാസ്ഫറുമായി ബന്ധപ്പെട്ട് അമേരിക്കൻ ക്ലബും ടോട്ടൻഹാമും വാക്കാൽ ധാരണയിൽ എത്തിയെന്നാണ് പുറത്തുവരുന്ന വിവരങ്ങൾ. സണ്ണിനെ 17.5 മില്യൺ തുകയ്ക്കാണ് ടീമിലെത്തിക്കാനാണ് എൽഎഎഫ്സി ലക്ഷ്യം വെക്കുന്നത്. ഈ ട്രാൻസ്ഫർ നടക്കുകയാണെങ്കിൽ സൺ അർജന്റൈൻ ഇതിഹാസം ലയണൽ മെസിക്കെതിരെ കളിക്കുന്നത് ഫുട്ബോൾ ആരാധകർക്ക് കാണാൻ സാധിക്കും. 

ടോട്ടൻഹാമിനൊപ്പം ഐതിഹാസികമായ ഒരു ഫുട്ബോൾ കരിയറാണ് സൺ കെട്ടിപ്പടുത്തുയർത്തിയത്. 2015ൽ ജർമൻ ക്ലബായ ബയർ ലെവർകൂസണിൽ നിന്നുമാണ് സൺ ഇംഗ്ലീഷ് പ്രീമിയർ ലീഗിൽ എത്തിയത്. ടോട്ടൻഹാമിനായി 454 മത്സരങ്ങളിൽ നിന്നും 173 ഗോളുകളാണ് സൺ അടിച്ചുകൂട്ടിയത്. ടോട്ടൻഹാമിനൊപ്പം യൂറോപ്പ് ലീഗ് കിരീടവും സൺ സ്വന്തമാക്കിയിരുന്നു. ഈ സീസണിലാണ് ടോട്ടൻഹാം 

യൂറോപ്പ ലീഗ് കിരീടം നേടിയത് . ഫൈനലിൽ മാഞ്ചസ്റ്റർ യൂണൈറ്റഡിനെ പരാജയപ്പെടുത്തിയാണ് ടോട്ടൻഹാം കിരീടം ചൂടിയത്. സ്‌പെയിനിലെ ബിൽബാവോയിലെ സാൻ മാമെസ് സ്‌റ്റേഡിയത്തിൽ നടന്ന മത്സരത്തിൽ ഏകപക്ഷീയമായ ഒരു ​ഗോളിനായിരുന്നു ടോട്ടൻ ഹാമിന്റെ വിജയം.

ടോടൻഹാമിന്റെ 17 വർഷത്തെ കിരീടവരൾ‌ച്ചക്ക് കൂടിയയായിരുന്നു ഇതോടെ അന്ത്യം കുറിച്ചത്. 2008ൽ ഇം​ഗ്ലീഷ് ഫുട്ബോൾ ലീ​ഗ് കിരീടമാണ് ടോട്ടനം അവസാനമായി നേടിയിരുന്നത്. നീണ്ട 41 വർഷത്തിന് ശേഷമാണ് ഒരു യൂറോപ്പ്യൻ ഫുട്ബോൾ കിരീടം എന്ന ടോട്ടൻഹാമിന്റെ സ്വപ്നവും ഇതോടെ സഫലമാവുകയായിരുന്നു. 1984ലെ യുവേഫ കപ്പ് കിരീടമായിരുന്നു ടോട്ടൻഹാം അവസാനമായി നേടിയത്

പ്രീസീസൺ മത്സരത്തിൽ ന്യൂകാസിൽ യൂണൈറ്റഡിനെതിരെയാണ് താരം അവസാനമായി സ്പർസിനായി കളിച്ചത്. ദക്ഷിണ കൊറിയയിലെ സിയോളിൽ 60,000ത്തോളം ആളുകളെ സാക്ഷിയാക്കിയാണ് സൺ ടോട്ടൻഹാമിനൊപ്പമുള്ള തന്റെ 10 വർഷത്തെ യാത്രക്ക് വിരാമമിട്ടത്. മത്സരം സമനിലയിൽ അവസാനിക്കുകയായിരുന്നു. ഇരു ടീമുകളും ഓരോ ഗോൾ വീതമാണ് മത്സരത്തിൽ നേടിയത്. 

Tottenham Hotspur superstar Son Heung-min is reportedly set to join Major League Soccer club LAFC. The American club and Tottenham have reportedly reached a verbal agreement regarding the player's transfer.