മുംബൈ: വായ്പാ തട്ടിപ്പ് കേസിൽ റിലയൻസ് കമ്പനി ഉടമ അനിൽ അംബാനി ഇന്ന് ഇഡി ഓഫീസിൽ ഹാജരാകും. 17000 കോടിയുടെ വായ്പാ തട്ടിപ്പ് കേസിലാണ് അന്വേഷണം. കള്ളപ്പണം വെളുപ്പിക്കൽ നിരോധന ആക്ട് പ്രകാരം ഫയൽ ചെയ്ത കേസിൽ അന്വേഷണം നടത്തുന്നതിന്റെ ഭാഗമായാണ് ചോദ്യം ചെയ്യുന്നത്. ഏകദേശം ഇരുപത് ബാങ്കുകളിൽ നിന്ന് എടുത്ത വായ്പകളാണ് അന്വേഷണ പരിധിയിൽ വരിക.

കള്ളപ്പണം വെളുപ്പിക്കുന്നതിനായി പൊതുമേഖല, സ്വകാര്യ മേഖല ബാങ്കുകളിൽ നിന്നായാണ് വായ്പ എടുത്തിട്ടുള്ളത്. അനിൽ അംബാനിക്ക് പുറമെ വായ്പ അനുവദിച്ച് ബാങ്കുകൾക്കും ഇ.ഡി നോട്ടീസ് അയച്ചിട്ടുണ്ടെന്നാണ് വിവരം. യെസ് ബാങ്ക്, സ്റ്റേറ്റ് ബാങ്ക് ഓഫ് ഇന്ത്യ, ആക്സിസ് ബാങ്ക്, ഐസിഐസിഐ ബാങ്ക്, എച്ച്ഡിഎഫ്സി ബാങ്ക്, ബാങ്ക് ഓഫ് ഇന്ത്യ, യുകോ ബാങ്ക്, പഞ്ചാബ് ആൻഡ് സിന്ധ് ബാങ്ക് എന്നിവയാണ് വായ്പ നൽകിയവരിൽ ഉൾപ്പെടുന്നത്.

റിലയൻസ് ഹോം ഫിനാൻസ് ലിമിറ്റഡ്, റിലയൻസ് ഹോം ഫിനാൻസ് ലിമിറ്റഡ്, റിലയൻസ് കൊമേഴ്സ്യൽ ഫിനാനൻസ് ലിമിറ്റഡ്, റിലയൻസ് കമ്യൂണിക്കേഷൻ എന്നിവയ്ക്ക് നൽകിയ സമൻസിലാണ് അനിൽ അംബാനി ഹാജരാകുന്നത്. ജൂലൈ 24 ന് മുംബൈയിലെ 50 കമ്പനികൾ പ്രവർത്തിക്കുന്ന 35 സ്ഥലങ്ങളിലും അനിൽ അംബാനിയുടെ ബിസിനസ് ഗ്രൂപ്പിലെ എക്സിക്യൂട്ടീവുകൾ ഉൾപ്പെടെ 25 ആളുകളിലും ഇഡി റെയ്ഡ് നടത്തിയതിന് ശേഷമാണ് അനിൽ അംബാനിക്ക് സമൻസ് അയച്ചത്.

അനിൽ അംബാനി ഏറ്റവും വലിയ വായ്പ എടുത്തിട്ടുള്ളത് യെസ് ബാങ്കിൽ നിന്നാണ്. 2017-19 കാലയളവിൽ 3000 കോടിയുടെ അനധികൃത വായ്പയാണ് യെസ് ബാങ്കിൽ നിന്ന് എടുത്തതായി ഇഡി കണ്ടെത്തിയത്. ഇതിന് പിന്നാലെ നടത്തിയ അന്വേഷണത്തിലാണ് റിലയൻസ് കമ്യൂണിക്കേഷൻ ലിമിറ്റഡ് 14000 കോടിയിലധികം രൂപ മറ്റു ബാങ്കുകളിൽ നിന്ന് അനധികൃതമായി വായ്പ എടുത്തതായി കണ്ടെത്തിയത്.

ബാങ്കുകളിൽ നിന്ന് എടുത്ത വായ്പകളിൽ ഭീമമായ തുക കുടിശിക വരുത്തിയിട്ടുണ്ട്. ഇഡിയിൽ ലഭ്യമായ ഡാറ്റ പ്രകാരം, ആർ‌എച്ച്‌എഫ്‌എൽ ₹5,901 കോടിയിലധികവും ആർ‌സി‌എഫ്‌എൽ ₹8,226 കോടിയിലധികവും ആർ‌കോം ₹4,105 കോടിയോളം കുടിശ്ശിക വരുത്തിയിട്ടുണ്ട്.

Reliance Group owner Anil Ambani will appear before the Enforcement Directorate (ED) today in connection with a loan fraud case involving ₹17,000 crore. The investigation is being carried out under the Prevention of Money Laundering Act (PMLA).