മംഗളുരു: ധര്‍മ്മസ്ഥല കൂട്ടക്കൊലയില്‍ എസ് ഐടി പരിശോധന പുരോഗമിക്കുന്നതിനിടെ സ്ഥലത്തെത്തിയ നാല് യൂട്യൂബര്‍മാര്‍ക്ക് നേരെ ആക്രമണം. അജയ് അഞ്ചന്‍, അഭിഷേക്, വിജയ്, മറ്റൊരാള്‍ എന്നിവര്‍ക്ക് നേരെയാണ് ആക്രമണമുണ്ടായത്. വിവരമറിഞ്ഞ് ലോക്കല്‍ പൊലിസ് എത്തിയെങ്കിലും പ്രതികള്‍ കടന്നുകളഞ്ഞു. ഇവര്‍ക്കായി അന്വേഷണം ഊര്‍ജിതമാക്കിയിട്ടുണ്ട്. 

ബുധനാഴ്ച്ച വൈകീട്ട് സംഭവസ്ഥലത്ത് വെച്ച് ഒരാളോട് അഭിമുഖം നടത്തുന്നതിനിടെയാണ് യൂട്യൂബര്‍മാര്‍ക്ക് നേരെ ആക്രമണം നടന്നത്. പരിക്കേറ്റവരെ ഉജിരെയിലെ സ്വകാര്യ ആശുപത്രിയില്‍ പ്രവേശിപ്പിച്ചിരിക്കുകയാണ്. അക്രമം റിപ്പോര്‍ട്ട് ചെയ്തിട്ടും പൊലിസ് സംഘം വളരെ വൈകിയാണ് സ്ഥലത്തെത്തിയതെന്ന് ആരോപണം ഉയരുന്നുണ്ട്. പരിക്കേറ്റ ഒരാളുടെ നില ഗുരുതരമാണെന്നാണ് റിപ്പോര്‍ട്ട്. 

സംഭവത്തിന്റെ പശ്ചാത്തലത്തില്‍ ജില്ല പൊലിസ് സൂപ്രണ്ട് ഡോ കെ അരുണിന്റെ നിര്‍ദേശപ്രകാരം സ്ഥലത്ത് പൊലിസ് സുരക്ഷ ശക്തമാക്കിയിട്ടുണ്ട്. 

ALSO READ: ട്രംപിന്റേത് ഇന്ത്യയെ ഭീഷണിപ്പെടുത്താനുള്ള ശ്രമം; അധിക തീരുവ നടപടിയെ സാമ്പത്തിക ഭീഷണിയെന്ന് വിശേഷിപ്പിച്ച് രാഹുൽ ഗാന്ധി

അതേസമയം ധര്‍മ്മസ്ഥല കൂട്ടക്കൊലയില്‍ എസ്‌ഐടി അന്വേഷണം കൂടുതല്‍ ഊര്‍ജിതമാക്കിയിരിക്കുകയാണ്. ബലാത്സംഗം ചെയ്ത് കൊലപ്പെടുത്തിയ നൂറിലേറെ പെണ്‍കുട്ടികളുടെയും, യുവതികളുടെയും മൃതദേഹങ്ങള്‍ നിര്‍ബന്ധത്തിന് വഴങ്ങി താന്‍ കുഴിച്ചുമൂടി എന്ന ശുചീകരണ തൊഴിലാളിയുടെ വെളിപ്പെടുത്തലിന് പിന്നാലെയാണ് സ്ഥലത്ത് അന്വേഷണം ആരംഭിച്ചത്. മൊഴിയുടെ അടിസ്ഥാനത്തില്‍ മാര്‍ക്ക് ചെയ്ത പതിനാലും സ്‌പോട്ടും ഇന്ന് കുഴിച്ചു. 

അന്വേഷണത്തില്‍ ഇതുവരെ നൂറിലധികം അസ്ഥി ഭാഗങ്ങളാണ് കണ്ടെത്തിയത്. ഒരു മനുഷ്യന്റെ പൂര്‍ണ്ണ അസ്ഥികൂടവും, 100ഓളം അസ്ഥി ഭാഗങ്ങളുമാണ് കണ്ടെത്തിയത്. കൂടുതല്‍ അസ്ഥികള്‍ കണ്ടെത്തിയത് പോയിന്റ് 11ല്‍ നിന്നാണ്. 

During the ongoing SIT investigation into the Dharmasthala mass murder, four YouTubers who arrived at the scene were attacked. The attack was targeted at Ajay Anchan, Abhishek, Vijay, and one other individual. Although the local police reached the spot after receiving information, the attackers had already fled. A manhunt has been intensified to track down the culprits.