മുംബൈ: മഹാരാഷ്ട്രയില്‍ കഴിഞ്ഞയാഴ്ചയുണ്ടായ വര്‍ഗീയ സംഘര്‍ത്തിനിടെ തീവ്രഹിന്ദുത്വാദികള്‍ ഹിന്ദുവായ വ്യക്തിയുടെ ഉടമസ്ഥതയിലുള്ള ബേക്കറി ഷോപ്പ് തീവച്ച് നശിപ്പിച്ചു. പൂനെ ജില്ലയിലെ യാവത് ഗ്രാമത്തില്‍ സ്ഥിതിചെയ്തിരുന്ന ബേക്കറി, മുസ്ലിമിന്റേതാണെന്ന് തെറ്റിദ്ധരിച്ചാണ് അക്രമാസക്തരായ ജനക്കൂട്ടം കത്തിച്ചച്ചത്. സ്വപ്‌നില്‍് ആദിനാഥ് കദം എന്നയാളുടെതാണ് ബേക്കറി. ഉത്തരേന്ത്യയില്‍ തുടര്‍ച്ചയായി വര്‍ഗീയ വിദ്വേഷവും ഇസ്ലാമോഫോബിയയും നിരപരാധികളുടെ ഉപജീവനമാര്‍ഗം നശിപ്പിക്കാനുള്ള കാരണമായി വരികയാണെന്ന വാര്‍ത്തകള്‍ക്കിടെയാണ് ഏറ്റവും പുതിയ സംഭവം റിപ്പോര്‍ട്ട്‌ചെയ്തിരിക്കുന്നത്. 

പ്രദേശത്തുള്ളവര്‍ തന്നെയാണ് ഇക്കാര്യം വിഡിയോ സഹിതം സോഷ്യല്‍മീഡിയയില്‍ പങ്കുവച്ചത്. പ്രദേശത്തെ ഛത്രപതി ശിവാജി മഹാരാജിന്റെ പ്രതിമ നശിപ്പിച്ചുവെന്ന റിപ്പോര്‍ട്ടുകളെത്തുടര്‍ന്ന് വര്‍ഗീയസംഘര്‍ഷം നിലനില്‍ക്കുന്നതിനിടെയാണ്, അക്രമികള്‍ ബേക്കറിക്ക് തീയിട്ടത്. പ്രദേശത്തെ മസ്ജിദിലേക്കുള്ള വഴിയിലായിരുന്നു ബേക്കറി സ്ഥിതിചെയ്തിരുന്നത്. പള്ളിയോട് ചേര്‍ന്ന് നിനന്തായതിനാല്‍, അത് മുസ്ലിംകളുടെ ഉടമസ്ഥതയില്‍ ആയിരിക്കുമെന്ന് കരുതിയാണ് അക്രമിക്കൂട്ടം അഗ്നിക്കിരയാക്കിയതെന്നും, അക്രമികള്‍ പുറംനാട്ടുകാരാണെന്നതിന് തെളിവാണിതെന്നും നാട്ടുകാര്‍ ചൂണ്ടിക്കാട്ടി.

തന്റെ കുടുംബത്തിന്റെ ഉപജീവനമാര്‍ഗമായ ബേക്കറി ഇല്ലാതായതോടെ, സ്വപ്‌നില്‍ കദം മാധ്യമങ്ങള്‍ക്ക് മുമ്പില്‍ പൊട്ടിക്കരഞ്ഞു. 'ഉത്തര്‍പ്രദേശില്‍ നിന്നുള്ള ചില മുസ്ലിം തൊഴിലാളികള്‍ ഇവിടെ ജോലി ചെയ്യുന്നതിനാല്‍ ഈ ബേക്കറി മുസ്ലിമിന്റേതാണെന്ന് ജനക്കൂട്ടത്തില്‍ നിന്ന് ആരോ നിലവിളിച്ചു പറഞ്ഞു. ഞാനും മുസ്ലിമായിരിക്കുമെന്ന് അവര്‍ കരുതി. ആള്‍ക്കൂട്ടം ഉടന്‍ തന്നെ കടയ്ക്ക് നേരെ കല്ലെറിയുകയും മേല്‍ക്കൂര തകര്‍ക്കുകയും കത്തുന്ന വസ്തുക്കള്‍ എറിയുകയും ചെയ്തു- സുനില്‍ കദം പറഞ്ഞു. ബേക്കറി പൂര്‍ണ്ണമായും കത്തിനശിക്കുകയും ചെയ്തു. പ്രകോപനപരമായ സോഷ്യല്‍ മീഡിയ പോസ്റ്റുമായി തനിക്കോ തന്റെ പ്രവര്‍ത്തകര്‍ക്കോ യാതൊരു ബന്ധവുമില്ലെന്നും സ്വപ്‌നില്‍ കദം പറഞ്ഞു. 

പ്രാദേശിക പോലീസ് സംഭവത്തില്‍ അന്വേഷണം ആരംഭിച്ചിട്ടുണ്ട്. ഇത്തരം അനിയന്ത്രിതമായ വിദ്വേഷവും തെറ്റായ അനുമാനങ്ങളും കൂടുതല്‍ ഉപദ്രവത്തിനും അസ്വസ്ഥതയ്ക്കും കാരണമാകുമെന്ന ആശങ്കയിലാണ് ഇരയുടെ കുടുംബം.

ALSO READ: തപാല്‍ വകുപ്പ് രജിസ്റ്റേഡ് പോസ്റ്റല്‍ സേവനം നിര്‍ത്തലാക്കുന്നു; സെപ്റ്റംബര്‍ ഒന്ന് മുതല്‍ സ്പീഡ് പോസ്റ്റിന് വലിയ വില നല്‍കേണ്ടിവരും

Once again, communal hatred and Islamophobia have led to the destruction of innocent livelihoods in Maharashtra. This time, the victim is not a Muslim but a Hindu man, Swapnil Adinath Kadam, whose bakery in Yavat village of Pune district, was torched by a violent mob under the mistaken belief that the shop belonged to a Muslim.