ഉത്തരകാശി: ഉത്താരഖണ്ഡില്‍ വന്‍ ദുരന്തം. ഉത്തരകാശിയില്‍ മേഘവിസ്‌ഫോടനം. പിന്നാലെ മിന്നല്‍ പ്രളയം. നിരവധി വീടുകള്‍ ഒഴുകിപ്പോയി. അറുപതിലേറെ ആളുകളെ കാണാതായി. രക്ഷാപ്രവര്‍ത്തനം ആരംഭിച്ചു.

ഉത്തരകാശിയിലെ വന്‍ മേഘ വിസ്‌ഫോടനത്തിനു പിന്നാലെ ഉണ്ടായ മിന്നല്‍ പ്രളയത്തില്‍ ഒരു ഗ്രാമം തന്നെ ഒലിച്ചു പോയതായാണ് റിപ്പോര്‍ട്ടുകള്‍ സൂചിപ്പിക്കുന്നത്. ധാരാലി ഗ്രാമത്തിലാണ് മിന്നല്‍ പ്രളയമുണ്ടായത്. നാശനഷ്ടങ്ങളെക്കുറിച്ചുള്ള ശരിയായ റിപ്പോര്‍ട്ടുകള്‍ പുറത്തുവരുന്നേയുള്ളൂ. പൊലിസും ദേശീയ ദുരന്ത നിവാരണ സേനയും മറ്റ് സന്നദ്ധ സംഘങ്ങളും മേഖലയില്‍ ദുരിതാശ്വാസ, രക്ഷാപ്രവര്‍ത്തനങ്ങളില്‍ ആരംഭിച്ചതായി ഉത്തരകാശി പൊലിസ് റിയിച്ചു.

Uttarakhand | "A massive mudslide struck Dharali village in the Kheer Gad area near Harsil, triggering a sudden flow of debris and water through the settlement. Troops of Ibex Brigade were immediately mobilised and have reached the affected site to assess the situation and… pic.twitter.com/FaSManM7Vz

— ANI (@ANI) August 5, 2025

ധാരാലി ഗ്രാമത്തിലെ മിന്നല്‍ പ്രളയത്തിന്റെ ഭയാനകമായ ദൃശ്യങ്ങള്‍ പുറത്തുവന്നിട്ടുണ്ട്. വെള്ളപ്പൊക്കത്തിന്റെ ശക്തിയില്‍ ബഹുനില കെട്ടിടങ്ങളും വീടുകളും ഒലിച്ചു പോവുന്നത് ദൃശ്യങ്ങളില്‍ വ്യക്തമാണ്. ആളുകള്‍ അലറിവിളിക്കുന്നതും കേള്‍ക്കാം.

ഉത്തരാഖണ്ഡിലെ ഒറ്റപ്പെട്ട സ്ഥലങ്ങളില്‍ അതിശക്തമായ മഴ പെയ്യുമെന്ന് ഇന്ത്യന്‍ കാലാവസ്ഥാ വകുപ്പ് നേരത്തെ പ്രവചിച്ചിരുന്നു. ദിവസങ്ങളായുള്ള മഴയില്‍ ഹര്‍സില്‍ മേഖലയിലെ ഖീര്‍ഗഢിലെ ജലനിരപ്പ് ഉയരുകയും ചെയ്തിരുന്നു. ഈ മണ്‍സൂണ്‍ നേരത്തേയും ഉത്തരാഖണ്ഡില്‍ കനത്ത നാശം വിതച്ചിരുന്നു.

A massive cloudburst in Uttarkashi, Uttarakhand has led to devastating flash floods, washing away several homes. More than 60 people are reported missing as rescue operations are underway in the disaster-hit region.