പാലക്കാട്: പൂച്ചയെ കൊന്നു കഷണങ്ങളാക്കി ഇന്‍സ്റ്റഗ്രാമില്‍ അതിന്റെ ദൃശ്യങ്ങള്‍ പോസ്റ്റ് ചെയ്ത യുവാവിനെതിരേ പൊലിസ് കേസെടുത്തു. സംഭവത്തില്‍ പാലക്കാട് ചെര്‍പ്പുളശ്ശേരി മടത്തിപറമ്പ് സ്വദേശി ഷജീറിനെയാണ് പൊലിസ് കേസെടുത്ത് അറസ്റ്റ് ചെയ്തത്. മൃഗങ്ങളോടുള്ള ക്രൂരത തടയല്‍ വകുപ്പാണ് ചുമത്തിയിരിക്കുന്നത്.

 ലോറി ഡ്രൈവറായ ഷജീര്‍ ഒരു പൂച്ചയ്ക്കു ആദ്യം ഭക്ഷണം നല്‍കുകയും പിന്നീട് അതിനെ കൊന്ന് തലയും അവയവങ്ങളും വേര്‍തിരിച്ച് ഇറച്ചി ജാക്കി ലിവര്‍ കൊണ്ട് അടിച്ചുപരത്തി ഇന്‍സ്റ്റഗ്രാമില്‍ പോസ്റ്റ് ചെയ്യുകയായിരുന്നു. ദുഃഖകരമായ പശ്ചാത്തല സംഗീതം ഉള്‍പ്പെടയാണ് ദൃശ്യങ്ങള്‍ പോസ്റ്റ് ചെയ്തിരിക്കുന്നത്. ഇത് വ്യാപകമായി പ്രചരിച്ചതോടെ യുവാവിനെതിരേ നടപടിയെടുക്കണമെന്ന് ആവശ്യമുയരുകയായിരുന്നു. മൃഗസ്‌നേഹിയായ ജിനീഷിന്റെ പരാതിയിലാമ് നിലവില്‍ ഷജീറിനെതിരേ പൊലിസ് കേസെടുത്തിരിക്കുന്നത്.