മനാമ: മനുഷ്യക്കടത്തിന് ഇരയായവരെ പിന്തുണയ്ക്കുന്നതിനും സംരക്ഷിക്കുന്നതിനുമായി ബഹ്‌റൈനില്‍ പ്രത്യേക ഓഫീസ് സംവിധാനം സ്ഥാപിച്ചതായി ആഭ്യന്തര മന്ത്രാലയം അറിയിച്ചു. ജനറല്‍ ഡയറക്ടറേറ്റ് ഓഫ് ക്രിമിനല്‍ ഇന്‍വെസ്റ്റിഗേഷന്‍ ആന്‍ഡ് ഫോറന്‍സിക് സയന്‍സിന് (General Directorate of Criminal Investigation and Forensic Science) കീഴില്‍ ആണ് പുതിയ ഓഫിസ്. അന്താരാഷ്ട്ര മാനദണ്ഡങ്ങള്‍ക്കനുസൃതമായി പ്രവര്‍ത്തിക്കുന്ന ഈ ഓഫീസ് മനുഷ്യക്കടത്ത് ഇരകള്‍ക്ക് സുരക്ഷിതമായ അന്തരീക്ഷം പ്രദാനം ചെയ്യുന്നുവെന്ന് മന്ത്രാലയം പ്രസ്താവനയില്‍ പറഞ്ഞു.

കൂടാതെ കുട്ടികള്‍ക്കായി പ്രത്യേക ഇടങ്ങളും ഇവിടെ സജ്ജീകരിച്ചിട്ടുണ്ട്. അന്വേഷണം മുതല്‍ പ്രോസിക്യൂഷന്‍ വരെ ജുഡീഷ്യല്‍ അധികാരികളുമായുള്ള സഹകരണം വര്‍ധിപ്പിക്കുകയാണ് ഓഫീസിന്റെ ലക്ഷ്യം. മനുഷ്യക്കടത്ത് തടയുന്നതിനുള്ള ബഹ്‌റൈന്റെ പ്രതിബദ്ധത ഈ നടപടി പ്രതിഫലിപ്പിക്കുന്നുവെന്നും മന്ത്രാലയം പറഞ്ഞു. 

പരാതികള്‍ അറിയിക്കാം

മനുഷ്യക്കടത്തുമായി ബന്ധപ്പെട്ട വിവരങ്ങള്‍ ഹോട്ട്‌ലൈന്‍ 555, ഓപ്പറേഷന്‍സ് റൂം 999, അല്ലെങ്കില്‍ [email protected] എന്ന ഇമെയില്‍ വിലാസത്തില്‍ റിപ്പോര്‍ട്ട് ചെയ്യാനും പൊതുജനങ്ങളോട് മന്ത്രാലയം അഭ്യര്‍ഥിച്ചു.

ALSO READ: ഭീഷണി ആവര്‍ത്തിച്ച് ട്രംപ്, വഴങ്ങാതെ ഇന്ത്യ, പിന്തുണയുമായി റഷ്യ; തിരക്കിട്ട ചര്‍ച്ചകള്‍ക്കായി അജിത് ഡോവല്‍ റഷ്യയില്‍; ഇന്ത്യ-യു.എസ് തീരുവയുദ്ധം പുതിയ തലത്തിലേക്ക്

The Ministry of Interior has established a specialised office under the General Directorate of Criminal Investigation and Forensic Science to support victims of human trafficking.