ഡൽഹി: ഇന്ത്യൻ സൈന്യം 87 ഹെവി-ഡ്യൂട്ടി സായുധ ഡ്രോണുകളും 110-ലധികം എയർ-ലോഞ്ച്ഡ് ബ്രഹ്മോസ് സൂപ്പർസോണിക് ക്രൂയിസ് മിസൈലുകളും ഉൾപ്പെടെ പുതിയ ആയുധങ്ങൾ സ്വന്തമാക്കുന്നു. ഓപ്പറേഷൻ സിന്ദൂറിൽ പ്രധാനമായി ഉപയോഗിച്ച ഹെവി-ഡ്യൂട്ടി ഡ്രോണുകൾ ഉൾപ്പെടെ 67,000 കോടി രൂപയുടെ ആയുധ വാങ്ങലിന് പ്രതിരോധ മന്ത്രാലയം ചൊവ്വാഴ്ച പ്രാഥമിക അനുമതി നൽകി. പ്രതിരോധ മന്ത്രി രാജ്‌നാഥ് സിംഗിന്റെ അധ്യക്ഷതയിൽ ചേർന്ന പ്രതിരോധ പ്രക്വേർമെന്റ് കൗൺസിൽ ഈ നിർദേശങ്ങൾ അംഗീകരിച്ചു. തെർമൽ ഇമേജർ അധിഷ്ഠിത ഡ്രൈവർ നൈറ്റ് സൈറ്റ് വാങ്ങുന്നതിനും അനുമതി ലഭിച്ചു.

ഇന്ത്യൻ നാവികസേനയ്ക്കായി കോംപാക്റ്റ് ഓട്ടോണമസ് സർഫസ് ക്രാഫ്റ്റ്, ബ്രഹ്മോസ് ഫയർ കൺട്രോൾ സിസ്റ്റം & ലോഞ്ചറുകൾ, ബരാക്-1 പോയിന്റ് ഡിഫൻസ് മിസൈൽ സിസ്റ്റത്തിന്റെ നവീകരണം എന്നിവയ്ക്കും അനുമതി നൽകി. കോംപാക്റ്റ് ഓട്ടോണമസ് സർഫസ് ക്രാഫ്റ്റ് അന്തർവാഹിനി വിരുദ്ധ യുദ്ധ ദൗത്യങ്ങളിൽ ഭീഷണികൾ കണ്ടെത്താനും നിർവീര്യമാക്കാനും സഹായിക്കും.

ഇന്ത്യൻ വ്യോമസേനയ്ക്കായി മൗണ്ടൻ റഡാറുകൾ വാങ്ങുന്നതിനും സ്പൈഡർ ആയുധ സംവിധാനത്തിന്റെ നവീകരണത്തിനും അനുമതി ലഭിച്ചു. 60% തദ്ദേശീയ പങ്കാളിത്തത്തോടെ ഡ്രോണുകൾ നിർമ്മിക്കാൻ ഒരു ഇന്ത്യൻ കമ്പനി വിദേശ കമ്പനിയുമായി സഹകരിക്കും.

The Indian Army will procure 87 heavy-duty armed drones and over 110 air-launched BrahMos supersonic cruise missiles as part of a ₹67,000 crore deal approved by the Defence Ministry. The Defence Procurement Council, chaired by Rajnath Singh, also greenlit thermal imager-based driver night sights, compact autonomous surface crafts, BrahMos fire control systems, and Barak-1 missile system upgrades for the Navy, and mountain radars and Spider weapon system upgrades for the Air Force. A 60% indigenous drone production collaboration with a foreign company was also approved.