കൊച്ചി: മണ്ണുത്തി-ഇടപ്പള്ളി ദേശീയപാതയിലെ പാലിയേക്കര ടോൾ പിരിവ് ഹൈക്കോടതി തടഞ്ഞു. നാലാഴ്ചത്തേക്കാണ് ടോൾ പിരിവിന് വിലക്കേർപ്പെടുത്തിയത്. ഹൈക്കോടതി ഡിവിഷൻ ബെഞ്ചിന്റേതാണ് ഈ ഉത്തരവ്. അടിപ്പാത നിർമ്മാണം നടക്കുന്നതിനാൽ ടോൾ പിരിവ് താൽക്കാലികമായി നിർത്തിവെക്കണമെന്ന് ആവശ്യപ്പെട്ട് നൽകിയ ഹർജിയിലാണ് കോടതി വിധി.

പൊതുപ്രവർത്തകനായ അഡ്വക്കറ്റ് ഷാജി കോടങ്കണ്ടത്താണ് ഹർജി സമർപ്പിച്ചത്. അടിപ്പാത നിർമ്മാണം മൂലം റോഡുകൾ പൂർണ്ണമായും തകർന്ന അവസ്ഥയിലാണെന്നും, ഗതാഗതക്കുരുക്ക് രൂക്ഷമാണെന്നും ഹർജിയിൽ ചൂണ്ടിക്കാട്ടി.

നേരത്തെ, ഗതാഗതക്കുരുക്ക് പരിഹരിക്കുന്നതിൽ ദേശീയപാത അതോറിറ്റി വീഴ്ച വരുത്തിയതായി കോടതി നിരീക്ഷിച്ചിരുന്നു. ഇതിന് പരിഹാരം കാണാൻ മൂന്നാഴ്ച സമയം വേണമെന്ന് അതോറിറ്റി അറിയിച്ചിരുന്നു. ഇതിന്റെ അടിസ്ഥാനത്തിലാണ് ഹൈക്കോടതി ടോൾ പിരിവ് തടയാൻ ഉത്തരവിട്ടത്.

The Kerala High Court has ordered a four-week suspension of toll collection at Paliyekkara on the Mannuthy-Edappally National Highway due to ongoing underpass construction. The decision follows a petition by advocate Shaji Kodankandath, highlighting severe road damage and traffic congestion. The court previously noted the National Highways Authority's failure to address traffic issues, which prompted the authority to request three weeks to resolve the problem.