ബാഴ്‌സലോണ: ഗോൾ കീപ്പർ ടെർ സ്റ്റിഗനെതിരേ ബാഴ്‌സലോണ നടപടിക്കൊരുങ്ങുന്നതായി റിപ്പോർട്ട്. മെഡിക്കൽ റിപ്പോർട്ടിൽ ഒപ്പുവെക്കാത്തതുകൊണ്ടാണ് നടപടിയെന്നാണ് വിവരം. പുറത്ത് പരുക്കേറ്റ സ്റ്റിഗൻ ശസ്ത്രക്രിയക്കുശേഷം ഇപ്പോൾ വിശ്രമത്തിലാണ്. ഈ പരുക്കിന്റെ മെഡിക്കൽ റിപ്പോർട്ടിൽ താരം ഒപ്പുവെക്കുന്നില്ലെന്നാണ് ക്ലബിന്റെ ആരോപണം. 

മെഡിക്കൽ റിപ്പോർട്ടിൽ ഒപ്പുവെക്കുകയാണെങ്കിൽ താരത്തിന്റെ ലീവിന് അനുസരിച്ച് മറ്റു കളിക്കാരെ ടീമിലെത്തിക്കാനുള്ള നീക്കത്തിനാണ് ക്ലബ് ശ്രമിക്കുന്നത്. എന്നാൽ ഇതിന് സ്റ്റിഗൻ വഴങ്ങുന്നില്ലെന്നാണ് വിവരം. പരുക്ക് പൂർണമായും മാറാൻ മൂന്ന് മാസം എടുക്കുമെന്ന് വ്യക്തമാക്കിയ സ്റ്റിഗൻ ഇക്കാര്യത്തിൽ മറ്റൊരുവിവരവും പുറത്തുവിട്ടിട്ടില്ല. താരത്തിനെതിരേ ക്ലബ് അച്ചടക്ക നടപടികൾ ആരംഭിച്ചതായും ഇക്കാര്യത്തിൽ ഉചിതമായ തീരുമാനമെടുക്കാൻ സ്റ്റിഗനെ ബാഴ്‌സലോണ ക്ലബ് ചർച്ചക്ക് വിളിച്ചതായും അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.

Barcelona are reportedly preparing to take action against goalkeeper Ter Stegen. The action is said to be due to him not signing a medical report.