ബാങ്ക് ജോലികൾക്ക് തയ്യാറെടുക്കുന്നവർക്ക് മികച്ച അവസരങ്ങളാണ് ഇപ്പോൾ വന്നിട്ടുള്ളത്. ബറോഡ ബാങ്കിലും, എസ് ബി െഎയിലും വിവിധ നിയമനങ്ങൾ നടക്കുന്നു. സമാനമായി ഇന്ത്യൻ ബാങ്കും പുതിയ റിക്രൂട്ട്മെന്റ് വിളിച്ചിട്ടുണ്ട്.  ഇന്ത്യൻ ബാങ്കിൽ അപ്രന്റീസ് ഒഴിവുകളിലേക്ക് അപേക്ഷിക്കാനുള്ള അവസാന തീയതി നാളെ അവസാനിക്കും. ഏകദേശം 1500 ഒഴിവുകളിലേക്കാണ് മെഗാ നിയമനങ്ങൾ നടക്കുന്നത്. ഇന്ത്യയിലുടനീളം ബാങ്കിന്റെ വിവിധ ശാഖകളിലാണ് ഒഴിവുകളുള്ളത്. താൽപര്യമുള്ളവർ ആഗസ്റ്റ് 07ന് മുൻപായി ഓൺലൈൻ അപേക്ഷ നൽകണം. 

അപേക്ഷ സമർപ്പിക്കേണ്ട അവസാന തീയതി: ആഗസ്റ്റ് 07

തസ്തിക & ഒഴിവ്

ഇന്ത്യൻ ബാങ്കിൽ അപ്രന്റീസ് നിയമനം. ആകെ ഒഴിവുകൾ 1500. ഇന്ത്യയിലുടനീളം നിയമനം നടക്കും. 

ശമ്പളം

തെരഞ്ഞെടുക്കപ്പെടുന്നവർക്ക് പ്രതിമാസം 12,000 രൂപമുതൽ 15,000 രൂപവരെ ശമ്പളമായി ലഭിക്കും. 

പ്രായപരിധി

20 വയസ് മുതൽ 28 വയസ് വരെയാണ് പ്രായപരിധി. എസ്.സി, എസ്.ടി, ഒബിസി, പിഡബ്ല്യൂബിഡി വിഭാഗക്കാർക്ക് നിയമാനുസൃത വയസിളവ് ലഭിക്കും. 

ALSO READ: കൊച്ചിന്‍ ഷിപ്പ് യാര്‍ഡില്‍ ജോലിയവസരം; 32 ഒഴിവുകള്‍; അപേക്ഷ 22 വരെ
യോഗ്യത

അംഗീകൃത യൂണിവേഴ്‌സിറ്റിക്ക് കീഴിൽ ഏതെങ്കിലും വിഷയത്തിൽ ഡിഗ്രി കഴിഞ്ഞവരായിരിക്കണം. 

01.04.2021നോ, അതിന് ശേഷമോ ഡിഗ്രി പൂർത്തിയാക്കിയവർക്കാണ് അവസരം. 

തെരഞ്ഞെടുപ്പ്

അപേക്ഷകരിൽ നിന്ന് യോഗ്യരായവരെ ഓൺലൈൻ പരീക്ഷക്ക് വിളിപ്പിക്കും. ശേഷം പ്രാദേശിക ഭാഷ പ്രാവീണ്യ പരീക്ഷയും ഉണ്ടായിരിക്കും. അതിൽ വിജയിക്കുന്നവരെ മെഡിക്കൽ ഫിറ്റ്‌നസ്, ഡോക്യുമെന്റ് വെരിഫിക്കേഷൻ എന്നിവ നടത്തി നിയമനം നടത്തും. 

അപേക്ഷ ഫീസ്

ജനറൽ, ഒബിസി, ഇഡബ്ല്യൂഎസ് വിഭാഗക്കാർ 800 രൂപ അപേക്ഷ ഫീസായി അടയ്ക്കണം. എസ്.സി, എസ്.ടി, പിഡബ്ല്യൂബിഡിക്കാർക്ക് 175 രൂപയാണ് ഫീസ്. 

അപേക്ഷ

താൽപര്യമുള്ളവർ ഇന്ത്യൻ ബാങ്കിന്റെ വെബ്‌സൈറ്റിൽ കരിയർ പോർട്ടൽ തുറക്കുക. ശേഷം തന്നിരിക്കുന്ന അപ്രന്റീസ് വിജ്ഞാപനം പൂർണ്ണമായും വായിച്ച് സംശയങ്ങൾ തീർക്കുക. ശേഷം നേരിട്ട് വെബ്‌സൈറ്റിലൂടെ അപേക്ഷ നൽകാം. 

അപേക്ഷ: https://www.indianbank.in/ 

കൂടുതൽ ​ജോലിയൊഴിവുകൾക്ക് ​ഗ്രൂപ്പിൽ ജോയിൻ ചെയ്യുക

Indian Bank has also released a new recruitment notification. Indian Bank is accepting applications for apprentice posts, and the last date to apply is tomorrow. Approximately 1,500 vacancies are available as part of this mega recruitment drive across various branches of the bank nationwide. Interested candidates should apply online by August 7.