ന്യൂഡൽഹി: ഹരിയനയിലെ ഗാസിയാബാദിൽ തൊഴിൽ സഹായം തേടി എത്തിയ നിയമവിദ്യാർത്ഥിനിയെ ബലാത്സംഗം ചെയ്ത ഹിന്ദു യുവവാഹിനി നേതാവിനെതിരെ കേസ്. വ്യാഴാഴ്ച മുരാദ് നഗർ പ്രദേശത്താണ് സംഭവം നടന്നത്. ഉത്തർപ്രദേശ് മുഖ്യമന്ത്രി യോഗി ആദിത്യനാഥ് സ്ഥാപിച്ച തീവ്ര ഹിന്ദുത്വ സംഘടനയായ ഹിന്ദു യുവവാഹിണിയുടെ പ്രാദേശിക നേതാവ് സുശീൽ പ്രജാപതി ആണ് വിദ്യാർത്ഥിനിയെ പീഡിപ്പിച്ചത്. പെൺകുട്ടി നൽകിയ പരാതിപ്രകാരം ആണ് ഇയാൾക്കെതിരെ കേസെടുത്തത്.

ഗാസിയാബാദ് കോടതിയിലെ മുതിർന്ന അഭിഭാഷകർക്ക് പരിചയപ്പെടുത്താമെന്ന് സുശീൽ പ്രജാപതി വാഗ്ദാനം ചെയ്തിരുന്നതായി പെൺകുട്ടി നൽകിയ പരാതിയിൽ പറയുന്നു. പരാതിയിൽ 23 വയസ്സുള്ള പെൺകുട്ടി പറയുന്നത് ഇങ്ങനെ: അഭിഭാഷകനുമായി കൂടിക്കാഴ്ച സംഘടിപ്പിച്ചതായി പറഞ്ഞ് അദ്ദേഹം എന്നെ വിളിച്ചു. അവിടെ എത്തിയപ്പോൾ പ്രജാപതി ഫ്ളാറ്റിലേക്ക് കൊണ്ടുപോയി. അവിടെ വച്ച് അദ്ദേഹം എനിക്ക് ഒരു തണുത്ത പാനീയം നൽകി. അത് കുടിച്ച ഉടൻ എനിക്ക് തലകറക്കം ഉണ്ടായി. പിന്നീട് ഞാൻ മയക്കത്തികൽ ആയിരുന്നപ്പോൾ അയാൾ എന്നെ ലൈംഗികമായി ആക്രമിക്കുകയായിരുന്നു.- വുദ്യാർത്ഥിനി പറഞ്ഞു.

ആക്രമണത്തിന് ശേഷം റോഡിൽ ഉപേക്ഷിക്കുന്നതിന് മുമ്പ്, തന്റെ ശക്തമായ രാഷ്ട്രീയബന്ധം പറഞ്ഞ് പ്രതി അവളെ ഭീഷണിപ്പെടുത്തി. ഇര മുറാദ്നഗർ പോലീസ് സ്റ്റേഷനിൽ എത്തിയതിന് ശേഷം വ്യാഴാഴ്ച രാത്രി കേസ് രജിസ്റ്റർ ചെയ്തതായി പോലീസ് സ്ഥിരീകരിച്ചു. പ്രതിയെ അറസ്റ്റ് ചെയ്യുന്നതിനായി ഞങ്ങൾ റെയ്ഡ് നടത്തുകയാണ്- അഡീഷണൽ പോലീസ് കമ്മീഷണർ അലോക് പ്രിയദർശി പറഞ്ഞു. അന്വേഷണത്തിന്റെ ഭാഗമായി ഇരയെ വൈദ്യപരിശോധനയ്ക്ക് വിധേയമാക്കി.

അതേസമയം കേസ് എടുത്തതോടെ നേതാവിനെ തള്ളി ഹിന്ദു യുവ വാഹിനി രംഗത്തുവന്നു. സ്ത്രീകളെ ഉപദ്രവിക്കുന്ന ആരെയും സംഘടന പിന്തുണയ്ക്കുന്നില്ലെന്ന് ഹിന്ദു യുവ വാഹിനി ജില്ലാ പ്രസിഡന്റ് ആയുഷ് ത്യാഗി കക്ദ പറഞ്ഞു. അത്തരം ആളുകൾ ഞങ്ങളോടൊപ്പമില്ല. കർശന നടപടിയെടുക്കണമെന്ന് പ്രാദേശിക വനിതാ അവകാശ പ്രവർത്തകർ ആവശ്യപ്പെട്ടിട്ടുണ്ട്. "വേട്ടക്കാർ എങ്ങനെയാണ് അധികാരവും രാഷ്ട്രീയ ബന്ധങ്ങളും ദുരുപയോഗം ചെയ്യുന്നതെന്ന് ഇത് കാണിക്കുന്നു", ആക്രമണത്തെ അതിജീവിച്ചവർക്കൊപ്പം പ്രവർത്തിക്കുന്ന അഭിഭാഷകയായ നേഹ ശർമ പറഞ്ഞു. കേസിന്റെ എല്ലാ വശങ്ങളും അന്വേഷിക്കുകയാണെന്നും ഉടൻ അറസ്റ്റ് ഉണ്ടാകുമെന്ന് പ്രതീക്ഷിക്കുന്നതായും പോലീസ് പറയുന്നു.  

A local leader of the Hindu Yuva Vahini in Ghaziabad is wanted by police after allegedly raping a young law student who came to meet him for career guidance. The incident occurred on Thursday in Muradnagar area. Police confirmed they registered the case late Thursday night after the victim reached Muradnagar police station.