ന്യൂഡല്‍ഹി: വോട്ട് മോഷണത്തിന് കൂടുതല്‍ തെളിവുകള്‍ പുറത്തുവിട്ട് കോണ്‍ഗ്രസ്. രാഹുല്‍ ഗാന്ധിക്ക് കര്‍ണാടക തെരഞ്ഞെടുപ്പ് കമ്മീഷണര്‍ നോട്ടീസ് അയച്ചതിന് പിന്നാലെയാണ് കോണ്‍ഗ്രസ് തങ്ങളുടെ ഔദ്യോഗിക എക്‌സ് ഹാന്‍ഡിലില്‍ പോസ്റ്റുമായി എത്തിയത്. വോട്ടര്‍പട്ടികയിലെ ക്രമക്കേടുകള്‍ തെളിയിക്കുന്ന പട്ടികയടക്കമുള്ള വീഡിയോയാണ് പങ്കുവെച്ചിട്ടുള്ളത്. 

'' തിരഞ്ഞെടുപ്പ് കമ്മീഷന്റെ ഒത്താശയോടെ നടക്കുന്ന ക്രമക്കേടിന്റെ രീതികളും തന്ത്രങ്ങളും പ്രതിപക്ഷ നേതാവ് രാഹുല്‍ ഗാന്ധി അടുത്തിടെ തുറന്നുകാട്ടി. ഇതാ തെളിവ്, താഴെ കാണുന്ന പട്ടികയില്‍ മുപ്പതിനായിരത്തിലധികം വ്യാജ വിലാസങ്ങളുണ്ട്. അവയില്‍ ഭൂരിഭാഗത്തിന്റെയും ഹൗസ് നമ്പര്‍ 0, 00, 000 എന്നിങ്ങനെയാണ് രേഖപ്പെടുത്തിയിട്ടുള്ളത്. ബാക്കിയുള്ള 9000 വിലാസങ്ങളില്‍ ഭൂരിപക്ഷവും വെറും സ്ഥലപ്പേരുകള്‍ മാത്രമാണെന്നും കോണ്‍ഗ്രസ് എക്‌സ് പോസ്റ്റില്‍ കുറിച്ചു. 

LoP Shri Rahul Gandhi recently exposed the methodology and tactics for vote theft in which the Election Commission is found to be complicit.

Here's the proof 👇

The list below has 30,000+ illegal addresses — mostly “House No. 0”, “00”, “000”, “-”, and “#”.

Most of the… pic.twitter.com/EZOqGSmZ2b

— Congress (@INCIndia) August 10, 2025

ഇപ്പോള്‍ പുറത്തുവന്നത് മഞ്ഞുമലയുടെ അറ്റം മാത്രമാണെന്നും, ഈ കണക്കുകള്‍ ഒരൊറ്റ ലോക്‌സഭാ മണ്ഡലത്തിലേത് മാത്രമാണെന്നും, രാജ്യം മുഴുവന്‍ പരിശോധിച്ചാല്‍ ഇനിയും കൂടുതല്‍ വ്യാജ വിലാസങ്ങള്‍ കണ്ടെത്താനാകുമെന്നും കുറിപ്പില്‍ പറയുന്നു.

ALSO READ: പാലക്കാട് മാല മോഷണക്കേസിൽ സർക്കാർ ഉദ്യോഗസ്ഥൻ അറസ്റ്റിൽ; കടം തീർക്കാനാണ് മോഷണം നടത്തിയെന്ന് മൊഴി 

നേരത്തെ വോട്ടര്‍പ്പട്ടിക ക്രമക്കേട് ആരോപണത്തില്‍ രാഹുല്‍ ഗാന്ധിക്ക് നോട്ടീസ് അയച്ച തെരഞ്ഞെടുപ്പ് കമ്മീഷന് മറുപടി നല്‍കി എഐസിസി ജനറല്‍ സെക്രട്ടറി കെസി വേണുഗോപാല്‍ രം​ഗത്തെത്തിയിരുന്നു. ശകുന്‍ റാണിയുടെ പേരില്‍ രണ്ട് വോട്ട് ചെയ്തതിന് തെളിവുണ്ടെന്നും, നോട്ടീസ് കാണിച്ച് ഭയപ്പെടുത്താമെന്ന് ഇലക്ഷന്‍ കമ്മീഷന്‍ വിചാരിക്കേണ്ടെന്നും കെസി വേണുഗോപാല്‍ പറഞ്ഞിരുന്നു. 

'ചോദ്യം ചോദിച്ച ഞങ്ങള്‍ക്കെതിരെയാണ് നടപടിയെങ്കില്‍ എടുക്കട്ടെ, സത്യം ഞങ്ങള്‍ പുറത്ത് കൊണ്ടുവരും. തെളിവുകള്‍ എല്ലാം കര്‍ണാടക തിരഞ്ഞെടുപ്പ് കമ്മീഷന് നല്‍കിയിട്ടുണ്ടെന്നും അദ്ദേഹം പറഞ്ഞിരുന്നു. 

The Congress party has released more evidence of vote theft. This came after the Karnataka Election Commissioner issued a notice to Rahul Gandhi. On its official X handle, Congress posted a video, including a list, claiming to prove irregularities in the voters’ list.