കുന്നംകുളം: കുന്നംകുളം കാണിപ്പയ്യൂരില്‍ ആംബുലന്‍സും കൂട്ടിയിടിച്ച് രണ്ടു പേര്‍ മരിച്ചു. ആംബുലന്‍സിലുണ്ടായിരുന്ന കണ്ണൂര്‍ സ്വദേശി കുഞ്ഞിരാമനും (81) കാര്‍ യാത്രികയായ കുന്നംകുളം സ്വദേശി പുഷ്പ (52) യുമാണ് മരിച്ചത്. അപകടത്തില്‍ നാല് പേര്‍ക്ക് പരുക്കേറ്റു.

ALSO READ: തിരുവനന്തപുരം ജനറല്‍ ആശുപത്രിക്ക് സമീപം കാര്‍ ഫൂട്ട്പാത്തിലേക്ക് ഇടിച്ചുകയറി; നാലു പേരുടെ നില ഗുരുതരം 

മുന്നിലുണ്ടായിരുന്ന ഓട്ടോറിക്ഷയെ മറികടക്കുന്നതിനിടെ കാര്‍ ആംബുലന്‍സില്‍ ഇടിക്കികയായിരുന്നു. അപകടത്തില്‍ പരുക്കേറ്റവരെ കുന്നംകുളത്തെയും തൃശൂരിലെയും സ്വകാര്യ ആശുപത്രികളില്‍ പ്രവേശിപ്പിച്ചു. ഇന്ന് ഉച്ചയ്ക്ക് ശേഷമായിരുന്നു അപകടം.

ആംബുലന്‍സില്‍ രോഗിയടക്കം അഞ്ചു പേരുണ്ടായിരുന്നു. ചികിത്സക്ക് ശേഷം ആശുപത്രിയില്‍ മടങ്ങുമ്പോഴായിരുന്നു ദാരുണാപകടം. പരുക്കേറ്റ കുഞ്ഞിരാമനെ ആശുപത്രിയില്‍ പ്രവേശിപ്പിച്ചെങ്കിലും മരിക്കുകയായിരുന്നു.