സിംബാബ്വെക്കെതിരായ രണ്ട് ടെസ്റ്റ് മത്സരങ്ങളുടെ പരമ്പരയിലെ അവസാന മത്സരത്തിൽ പുതിയ ചരിത്രം സൃഷ്ടിച്ച് ന്യൂസിലാൻഡ്. സിംബാബ്‌വെക്കെതിരെ ഒന്നാം ഇന്നിങ്സിൽ ബാറ്റ് വീശിയ കിവീസ് മൂന്ന് വിക്കറ്റ് നഷ്ടത്തിൽ 601 റൺസ് എന്ന നിലയിൽ ഡിക്ലയർ ചെയ്യുകയായിരുന്നു. മൂന്ന് താരങ്ങളുടെ സെഞ്ച്വറി കരുത്തിലാണ് കിവീസ് കൂറ്റൻ ടോട്ടൽ പടുത്തുയർത്തിയത്. രചിൻ രവീന്ദ്ര, ഡെവോൺ കോൺവെ, ഹെൻറി നിക്കോൾസ് എന്നിവരാണ് സെഞ്ച്വറി നേടിയത്. മൂന്ന് താരങ്ങളും 150+ റൺസ് പിന്നിട്ടുവെന്നതാണ് ഏറെ ശ്രദ്ധേയമായത്. 

ടെസ്റ്റ് ക്രിക്കറ്റ് ചരിത്രത്തിൽ ആദ്യമായാണ് ഒരു മത്സരത്തിൽ ആദ്യ അഞ്ച് വിക്കറ്റുകൾക്കുള്ളിൽ മൂന്ന് താരങ്ങൾ 150+ റൺസ് സ്കോർ ചെയ്യുന്നത്. രചിൻ രവീന്ദ്ര 139 പന്തിൽ പുറത്താവാതെ 165 റൺസാണ് അടിച്ചെടുത്തത്. 21 ഫോറുകളും രണ്ട് സിക്സുകളും അടങ്ങുന്നതാണ് താരത്തിന്റെ ഇന്നിംഗ്സ്.

കോൺവേ 245 പന്തിൽ 18 ഫോറുകൾ ഉൾപ്പടെ 153 റൺസും സ്വന്തമാക്കി. ഹെൻറി 245 പന്തിൽ പുറത്താവാതെ 150 റൺസുമാണ് നേടിയത്. 15 ഫോറുകളാണ് താരത്തിന്റെ ബാറ്റിൽ നിന്നും പിറന്നത്. വില്ലി യങ് അർദ്ധ സെഞ്ച്വറിയും നേടി ടീമിന് കൂറ്റൻ ടോട്ടൽ നേടികൊടുക്കുന്നതിൽ നിർണായകമായി. 101 പന്തിൽ 74 റൺസാണ് യങ് നേടിയത്. 11 ഫോറുകളാണ് താരം നേടിയത്. 

ഒന്നാം ഇന്നിങ്സിൽ സിംബാബ്വെ 125 റൺസിനാണ് പുറത്തായത്. കിവീസ് ബൗളിങ്ങിൽ അഞ്ചു വിക്കറ്റുകൾ നേടി മാറ്റ് ഹെന്രിയും നാല് വിക്കറ്റുകൾ വീഴ്ത്തി സക്കറി ഫൗൾക്സും തിളങ്ങിയപ്പോൾ സിംബാബ്വെ ചെറിയ ടോട്ടലിൽ പുറത്താവുകയായിരുന്നു. 

New Zealand created history in the final match of the two-Test series against Zimbabwe. The Kiwis built a huge total against Zimbabwe in the first innings on the strength of centuries from three players. This is the first time in the history of Test cricket that three players have scored 150+ runs in the first five wickets in a match.