ചെമ്മാട്: ദാറുൽഹുദാ ഇസ്ലാമിക് യൂനിവേഴ്സിറ്റിക്കെതിരേ വ്യാജ ആരോപണങ്ങൾ ഉന്നയിച്ച് സി.പി.എം തിരൂരങ്ങാടി ഏരിയാ കമ്മിറ്റി നടത്തിയ മാർച്ച് രാഷ്ട്രീയപ്രേരിതവും അനുചിതവുമാണെന്ന് ദാറുൽഹുദാ ഭാരവാഹികൾ അറിയിച്ചു. ജനകീയമായും മികച്ച സൗകര്യങ്ങൾ ഒരുക്കിയുമാണ് സ്ഥാപനം പ്രവർത്തിക്കുന്നത്. ദാറുൽ ഹുദയുടെ പ്രവർത്തനം മൂലം ഇന്നുവരെ സമീപവാസികളുടെ കുടിവെള്ളത്തിന് ഏതെങ്കിലും തകരാറുകൾ സംഭവിച്ചതായി ഒരു പരാതിയും ഉണ്ടായിട്ടില്ല. ആരുടെ ഭാഗത്തുനിന്നാണെങ്കിലും കേൾക്കാനും ന്യായമായത് തിരുത്താനും മാനേജിങ് കമ്മിറ്റി തയാറാണ്. പരാതിയുണ്ടെങ്കിൽ പരിഹരിക്കുന്നതിനുപകരം ഒരു മതസ്ഥാപനത്തിന്റെ പരിസരത്തേക്ക് സമരകാഹളം മുഴക്കി മാർച്ച് നടത്തുന്നത് ദുരുദ്ദേശ്യപരമാണ്. Darul Huda CPM March

ഒരു തുള്ളി മലിനജലം പോലും പുറത്തേക്ക് ഒഴുക്കാതെ എല്ലാം കാംപസിൽതന്നെ സംസ്‌കരിച്ചുവരികയാണ്. കുടിവെള്ള മലിനീകരണ പ്രയാസങ്ങളോ ആരോഗ്യപ്രശ്നങ്ങളോ ഉണ്ടെങ്കിൽ ഏറ്റവും കൂടുതൽ ബാധിക്കുക ഇവിടെ താമസിക്കുന്ന വിദ്യാർഥികളെയും അധ്യാപകരെയുമാണ്. രണ്ടര ലക്ഷം ലിറ്റർ കപ്പാസിറ്റിയുള്ളതും മുക്കാൽ കോടിയിലധികം ചെലവുവരുന്നതുമായ മലിനജലശുദ്ധീകരണ പ്ലാന്റിന്റെ നിർമാണ പ്രവർത്തനങ്ങൾ നടന്നുകൊണ്ടിരിക്കെ, കണ്ടില്ലെന്നു നടിച്ച് നടത്തിയ സമരപ്രഹസനം സ്ഥാപനവും നേതാക്കളും ഉയർത്തിപ്പിടിക്കുന്ന ആദർശ നയനിലപാടുകളോടുള്ള കടുത്ത വിയോജിപ്പും അസഹിഷ്ണുതയുമാണെന്നും ഭാരവാഹികളായ ഡോ.ബഹാഉദ്ദീൻ മുഹമ്മദ് നദ് വി, യു. മുഹമ്മദ് ശാഫി ഹാജി, കെ.എം സൈതലവി ഹാജി, സി.എച്ച് മുഹമ്മദ് ത്വയ്യിബ് ഫൈസി, ഡോ.യു.വി.കെ മുഹമ്മദ് വാർത്താ കുറിപ്പിൽ അറിയിച്ചു.

The Darul Huda Islamic University officials have stated that the march conducted by the CPM Tirurangadi Area Committee raising false allegations against the institution was politically motivated and inappropriate. The university has been functioning with strong public support and providing excellent facilities.