മലപ്പുറം: തിരൂരില്‍ സ്‌കൂളിനുള്ളില്‍ വച്ച് ഒന്നാം ക്ലാസില്‍ പഠിക്കുന്ന കുട്ടിയെ കാറിടിച്ചു. ഇക്കഴിഞ്ഞ ജൂലൈ 31ന് തിരൂര്‍ എംഇഎസ് സെന്‍ട്രല്‍ സ്‌കൂളിലാണ് അപകടം നടന്നത്. അപകടവിവരം സ്‌കൂള്‍ അധികൃതര്‍ അറിയിച്ചില്ലെന്നാണ് രക്ഷിതാക്കളുടെ പരാതി. കുട്ടി സ്‌കൂളില്‍ വീണു എന്നു മാത്രമാണ് അധികൃതര്‍ അറിയിച്ചതെന്നും രക്ഷിതാക്കള്‍ പരാതിയില്‍ പറയുന്നു.

കാര്യമായ പരിക്കില്ലെങ്കിലും അപകടത്തിനു ശേഷം കുട്ടി കടുത്ത മാനസിക വിഷമത്തിലാണെന്നും രക്ഷിതാക്കള്‍ വ്യക്തമാക്കി. കുട്ടിയെ കാര്‍ ഇടിച്ച കാര്യം അറിഞ്ഞിരുന്നില്ലെന്നാണ് സ്‌കൂള്‍ അധികൃതരുടെ നല്‍കിയ വിശദീകരണം. സംഭവത്തില്‍ തിരൂര്‍ പൊലിസ് കേസെടുത്ത് അന്വേഷണം തുടങ്ങി. ജൂലൈ 31ന് നടന്ന അപകടത്തിന്റെ സിസിടിവി ദൃശ്യങ്ങള്‍ പൊലിസിന് ലഭിച്ചിട്ടുണ്ട്.