തിരുവനന്തപുരം: വെഞ്ഞാറമൂട്ടിൽ മാരുതി കാർ മതിലിൽ ഇടിച്ചുണ്ടായ അപകടത്തിൽ അഞ്ച് പേർക്ക് ഗുരുതര പരിക്ക്. മൂകാംബിക ദർശനം കഴിഞ്ഞ് മടങ്ങുകയായിരുന്ന പോത്തൻകോട് അണ്ടൂർക്കോണം സ്വദേശികൾ സഞ്ചരിച്ച വാഹനമാണ് വെഞ്ഞാറമൂട് ഗവൺമെന്റ് ഹയർ സെക്കൻഡറി സ്കൂളിന്റെ ഗേറ്റിന്റെ മതിലിൽ ഇടിച്ചത്. വാഹനത്തിൽ ഒരു പുരുഷനും നാല് സ്ത്രീകളും ഉൾപ്പെടെ അഞ്ച് പേർ ഉണ്ടായിരുന്നു.

അപകടത്തിൽ ഒരാളുടെ നില അതീവ ഗുരുതരമാണ്, മറ്റ് നാല് പേർക്കും ഗുരുതര പരിക്കുകളുണ്ട്. പരിക്കേറ്റവരെ വെഞ്ഞാറമൂട് ഗോകുലം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഡ്രൈവർ ഉറങ്ങിപ്പോയതാണ് അപകടത്തിന് കാരണമെന്നാണ് പൊലീസിന്റെ പ്രാഥമിക നിഗമനം. അന്വേഷണം തുടരുകയാണ്.

A Maruti car carrying five people from Pothencode Andoorkonam crashed into the gate wall of Venjaramoottil Government Higher Secondary School, leaving all occupants seriously injured. The group was returning from Mookambika temple. One person is in critical condition, and the others are seriously injured. They were admitted to Gokulam Medical College. Initial reports suggest the driver fell asleep, causing the accident.