ഡൽഹി: ചാണക്യപുരിയിലെ അതിസുരക്ഷാ മേഖലയിൽ, രാഷ്ട്രപതി ഭവനിൽ നിന്ന് ഏകദേശം രണ്ട് കിലോമീറ്റർ അകലെ, അമിതവേഗത്തിൽ എത്തിയ മഹീന്ദ്ര ഥാർ കാൽനടയാത്രക്കാരനെ ഇടിച്ച് കൊലപ്പെടുത്തി. മറ്റൊരാൾക്ക് ഗുരുതരമായി പരിക്കേറ്റു. പരിക്കേറ്റയാളെ ആശുപത്രിയിൽ പ്രവേശിപ്പിച്ചു. മൃതദേഹം മണിക്കൂറുകളോളം റോഡിൽ കിടന്ന ശേഷമാണ് പോലീസ് എത്തി നീക്കം ചെയ്തതെന്ന് ആക്ഷേപം ഉയർന്നു.

26-കാരനായ ഡ്രൈവറെ പോലീസ് അറസ്റ്റ് ചെയ്യുകയും വാഹനം പിടിച്ചെടുക്കുകയും ചെയ്തു. കാറിൽ നിന്ന് മദ്യക്കുപ്പികൾ കണ്ടെടുത്തതായി പോലീസ് വെളിപ്പെടുത്തി. ഫോറൻസിക് സംഘം വിശദമായ പരിശോധന നടത്തിവരികയാണ്. സുഹൃത്തിന്റെ കാറാണ് ഓടിച്ചതെന്നും ഉറങ്ങിപ്പോയതാണ് അപകടകാരണമെന്നും ഡ്രൈവർ പോലീസിനോട് പറഞ്ഞു. എന്നാൽ, ഡ്രൈവർ മദ്യപിച്ചിരുന്നോ എന്ന് പോലീസ് അന്വേഷിക്കുകയാണ്.

A speeding Mahindra Thar struck two pedestrians near Rashtrapati Bhavan in Chanakyapuri, killing one and critically injuring another. The incident occurred 2 km from the President’s residence. The victim’s body lay on the road for hours, sparking criticism. The 26-year-old driver was arrested, and liquor bottles were found in the car. The driver claimed he fell asleep, but police are probing possible drunk driving. The injured person is hospitalized, and forensic tests are underway.