പാലക്കാട്: അട്ടപ്പാടിയില്‍ വന്‍ കഞ്ചാവ് വേട്ട. പതിനായിരത്തോളം കഞ്ചാവ് ചെടികള്‍ പൊലിസിന്റെ നേതൃത്വത്തില്‍ പൊലിസ് നശിപ്പിച്ചു. 60 സെന്റ് സ്ഥലത്താണ് കഞ്ചാവ് കൃഷി കണ്ടെത്തിയത്. കഞ്ചാവ് ആരാണ് നട്ടുപിടിപ്പിടിച്ചവരെക്കുറിച്ചുള്ള അന്വേഷണം പുരോഗമിക്കുകയാണ്. 

അഗളി സബ് ഡിവിഷനില്‍ പുതു പൊലിസ് സ്റ്റേഷന്‍ പരിധിയില്‍ സത്യക്കല്ലുമലയുടെ താഴ് വാരത്താണ് ഏകദേശം മൂന്നുമാസം പ്രായമായിട്ടുള്ള കഞ്ചാവ് ചെടികള്‍ കണ്ടെത്തിയത്. 

കേരള തീവ്രവാദ വിരുദ്ധ സേനയും (ATS) പാലക്കാട് ജില്ലാ ലഹരി വിരുദ്ധ സേനയും പുതുര്‍ പൊലിസും സംയുക്തമായാണ് റെയ്ഡ് നടത്തിയത്. കാട്ടിലൂടെ ഏകദേശം അഞ്ച് മണിക്കൂറോളം യാത്ര ചെയ്താണ് പൊലിസ് കഞ്ചാവ് തോട്ടത്തില്‍ എത്തിച്ചേര്‍ന്നത്. കേരള പൊലിസ് ഇതുവരെ കണ്ടെത്തിയതില്‍ വച്ച് ഏറ്റവും വലിയ കഞ്ചാവ് കൃഷിയാണിത്. 

അട്ടപ്പാടിയില്‍ വാണീജ്യാടിസ്ഥാനത്തില്‍ വന്‍തോതില്‍ കഞ്ചാവ് കൃഷി നടത്തുന്നുണ്ടെന്ന് എ.ടി.എസ് ഡി.ഐ.ജി പുട്ടാ വിമലാദിത്യന് വിവരം ലഭിച്ചതിന്റെ അടിസ്ഥാനത്തിലാണ് റെയ്ഡ് നടത്തിയത്. 

SEO Summary: In a major crackdown on illegal drug cultivation, Kerala Police destroyed over 10,000 cannabis (ganja) plants grown on 60 cents of land in the Sathyakallumala region of Attappadi, Palakkad. The raid was jointly conducted by the Anti-Terrorism Squad (ATS), Palakkad District Anti-Narcotics Squad, and Puthur Police, following intelligence inputs received by ATS DIG Putha Vimaladithyan. The police team trekked through dense forest for nearly five hours to reach the illegal plantation.