മനാമ: ദേഹാസ്വാസ്ഥ്യത്തെത്തുടര്‍ന്ന് കൊല്ലം സ്വദേശിയായ പ്രവാസി ബഹ്‌റൈനില്‍ നിര്യാതനായി. ചവറ സ്വദേശി വിജയകൃഷ്ണന്‍ പിള്ള (47) ആണ് മരിച്ചത്. ഇന്നലെ രാവിലെയോടെ ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് ആശുപത്രിയില്‍ പ്രവേശിപ്പിച്ചെങ്കിലും വൈകിട്ടോടെ മരണം സംഭവിക്കുകയായിരുന്നുവെന്ന് സുഹൃത്തുക്കള്‍ അറിയിച്ചു. ടൂബ്ലിയിലെ സ്വകാര്യ ട്രേഡിങ് കമ്പനിയില്‍ മാനേജര്‍ ആയി ജോലി ചെയ്തു വരികയായിരുന്നു. 

ഭാര്യ: ദിവ്യ. മകന്‍: നചികേത് (ഏഷ്യന്‍ സ്‌കൂള്‍ പത്താം ക്ലാസ് വിദ്യാര്‍ത്ഥി). ഇരുവരും ബഹ്‌റൈനില്‍ തന്നെ ഉണ്ട്. സല്‍മാനിയ ആശുപത്രിയില്‍ സൂക്ഷിച്ചിരിക്കുന്ന മൃതദേഹം നാട്ടിലേക്ക് കൊണ്ടു പോകാനുള്ള നടപടികള്‍ പുരോഗമിക്കുക ആണ്.

അതേസമയം, സാഫ്‌റ്റ്വെയര്‍ എന്‍ജിനീയറായി ജോലി ചെയ്യുകയായിരുന്ന കോഴിക്കോട് മാങ്കാവ് സ്വദേശി ബിനോയ് ജോണ്‍സ് (57) ഇന്നലെ ബഹ്‌റൈനില്‍ മരിച്ചു. കഴിഞ്ഞ ദിവസം രാവിലെ ജോലിസ്ഥലത്തേക്കുള്ള യാത്രാ മധ്യേ നെഞ്ചു വേദന വന്നതിനെ തുടര്‍ന്ന് ആശുപത്രിയിലെത്തിച്ചെങ്കിലും അദ്ദേഹത്തിന്റെ ജീവന്‍ രക്ഷിക്കാനായില്ല. ഭാര്യ: ശോഭ പ്രമീള. ഒരു മകളുണ്ട്.

Summary: An expatriate from Chavara, Kollam passed away in Bahrain.