മലപ്പുറം: വണ്ടൂർ അയനിക്കോട് 17 കാരനെ ഒരു സംഘം ക്രൂരമായി മർദിച്ചതായി പരാതി. ചെമ്പ്രശേരി സ്വദേശി മുഹമ്മദിന്റെ മകൻ അൻഷിദാണ് ആക്രമണത്തിന് ഇരയായത്. ഞായറാഴ്ച വൈകുന്നേരമായിരുന്നു സംഭവം. മർദനത്തിൽ കുട്ടിയുടെ കൈ ഒടിഞ്ഞു, ശരീരത്തിൽ മുറിവുകളും പുറത്ത് പരിക്കുകളും ഉണ്ടായി. സംഭവത്തിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്.

അൻഷിദിന്റെ കുടുംബം നൽകിയ പരാതിയുടെ അടിസ്ഥാനത്തിൽ വണ്ടൂർ പൊലിസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു. രണ്ട് പേരെ പ്രതി ചേർത്തിട്ടുണ്ടെങ്കിലും, കൂടുതൽ പേർ സംഭവത്തിൽ ഉൾപ്പെട്ടിട്ടുണ്ടെന്ന് പൊലിസ് അറിയിച്ചു.

ALSO READ: ഉപരാഷ്ട്രപതി തിരഞ്ഞെടുപ്പ്; ബി സുദര്‍ശന്‍ റെഡ്ഡി ഇന്‍ഡ്യ മുന്നണി സ്ഥാനാര്‍ഥി

പരാതി പ്രകാരം, രണ്ട് വർഷം മുമ്പ് അൻഷിദ് പത്താം ക്ലാസിൽ പഠിക്കുമ്പോൾ നടന്ന ഒരു അടിപിടിയുമായി ബന്ധപ്പെട്ടാണ് ഈ ആക്രമണം. അന്ന് സംഘർഷത്തിൽ ഉൾപ്പെട്ട മറ്റൊരു വിദ്യാർഥിയും അവന്റെ ബന്ധുക്കളും ചേർന്നാണ് അൻഷിദിനെ മർദിച്ചതെന്നാണ് കുടുംബത്തിന്റെ ആരോപണം. ഞായറാഴ്ച വൈകുന്നേരം അൻഷിദ് തന്റെ സഹോദരനോടൊപ്പം ഒരു കടയിൽ ചായ കുടിക്കാൻ പോയപ്പോഴാണ് സംഭവം. മുൻപ് നടന്ന സംഘർഷവുമായി ബന്ധപ്പെട്ട് വാക്കേറ്റം ഉണ്ടാവുകയും തുടർന്ന് അൻഷിദിനെ ക്രൂരമായി മർദിക്കുകയുമായിരുന്നു.

A disturbing incident has been reported from Vandoor Ayanikode, where a 17-year-old boy named Anshid, son of Muhammad from Chembrassery, was allegedly brutally assaulted by a group of individuals. The incident occurred on Sunday evening, resulting in severe injuries, including a broken arm and wounds on his body and back. Footage of the incident has been circulating on social media, sparking widespread concern ¹.