പാലക്കാട്: പാലക്കാട് ജില്ലാ ബിജെപി നേതൃത്വത്തിനെതിരെ പരസ്യ വിമർശനവുമായി മഹിള മോർച്ച നേതാവ്. മഹിള മോർച്ച ജില്ലാ ജനറൽ സെക്രട്ടറി അശ്വതി മണികണ്ഠനാണ് രൂക്ഷവിമർശനവുമായി രംഗത്ത് വന്നത്. ജില്ലാ നേതൃത്വത്തിനോട് പുച്ഛം തോന്നുന്നുവെന്ന് അശ്വതി മണികണ്ഠൻ ഫേസബുക്കിൽ കുറിച്ചു. 

മഹിള മോർച്ചയുടെ പാലക്കാട് ജില്ലാ പ്രസിഡന്റിനെ തെരഞ്ഞെടുത്തിനുള്ള പ്രതിഷേധമായാണ് അശ്വതി മണികണ്ഠന്റെ പോസ്റ്റ്. പാലക്കാട് ബിജെപിയുടെ ജില്ലാ നേതൃത്വത്തിനോട് പുച്ഛം. വാല് തൂങ്ങി നടക്കുന്നവർക്ക് സ്ഥാനം എന്നാണ് അവർ ഫേസ്ബുക്ക് പോസ്റ്റിൽ പരസ്യമായി വിമർശനം നടത്തിയിരിക്കുന്നത്. 

കവിത മേനോനെയാണ് പാലക്കാട് ഈസ്റ്റ് ജില്ലാ പ്രസിഡൻ്റായി തെരഞ്ഞെടുത്തത്. ഇതിൽ പ്രതിഷേധിച്ച് ആണ് മഹിള മോർച്ച നേതാവ് പോസ്റ്റ് ഇട്ടത്. സംഭവം വിവാദമായതിനെ പിന്നാലെ ഇവർ പോസ്റ്റ് ഡിലിറ്റ് ചെയ്തു.