ദോഹ: വമ്പന്‍ തിമിംഗല സ്രാവുകളെ വളരെ അടുത്ത് നിന്ന് കാണാന്‍ ആഗ്രഹമുള്ളവരാണോ നിങ്ങള്‍? എങ്കില്‍ അത്തരം തിമിംഗലങ്ങളെ കാണാന്‍ അവസരമുണ്ട്. വേനല്‍ക്കാലമായാല്‍ ഖത്തറിന്റെ വടക്കന്‍ മേഖലയില്‍ സ്ഥിതി ചെയ്യുന്ന അല്‍ ഷഹീന്‍ മറൈന്‍ സോണിലേക്ക് തിമിംഗല സ്രാവുകളുടെ ഒഴുക്കാണ്. 

ALSO READ: ഖത്തറിലെ സ്‌കൂള്‍ ഷെഡ്യൂളുകളില്‍ ഭേദഗതി; സെക്കൻഡറി സ്കൂൾ വ്യാഴാഴ്ച നേരത്തെ വിടും, പ്രൈമറി സ്‌കൂളുകളിൽ ഓരോ ക്ലാസ്സുകൾക്കും ഇടയിൽ 5 മിനിറ്റ് ഇടവേള 

ലോകത്തിലെ ഏറ്റവും വലിയ തിമിംഗല സ്രാവുകളും അല്‍ ഷഹീന്‍ മറൈന്‍ സോണിലേക്കെത്തുന്ന തിമിംഗലങ്ങളില്‍ ഉണ്ടെന്നാണ് റിപ്പോര്‍ട്ടുകള്‍. ഇവയെ വളരെ അടുത്ത് കാണാന്‍ ഡിസ്‌കവര്‍ ഖത്തര്‍ എന്ന കമ്പനി സൗകര്യം ഒരുക്കുന്നുണ്ട്.

ഖത്തര്‍ ടൂറിസം വകുപ്പുമായി സഹകരിച്ചാണ് ഡിസ്‌കവര്‍ ഖത്തര്‍ ഈ സൗകര്യം ഒരുക്കിയിരിക്കുന്നത്. തിമിംഗല സ്രാവുകളെ കാണുന്നതിനായുള്ള ടൂറുകളിലൂടെ വിനോദസഞ്ചാരികള്‍ക്ക് ഖത്തറിന്റെ സമുദ്രവൈവിധ്യത്തെ അടുത്തറിയാനും ആഴത്തില്‍ മനസ്സിലാക്കാനും സാധിക്കും. മറൈന്‍ വിദഗ്ധരുടെ കൂടെ ആഡംബര ബോട്ടുകളിലാകും യാത്ര. വിദ്ഗധര്‍ തിമിംഗല സ്രാവുകളെ സംബന്ധിച്ചും ഖത്തറിന്റെ സമുദ്രവ്യവസ്ഥയെ സംബന്ധിച്ചും വിവരിച്ചു നല്‍കും.

ALSO READ: 2025-26 അധ്യയന വർഷം പൊതുവിദ്യാലയങ്ങളുടെ ഷെഡ്യൂളിൽ മാറ്റങ്ങൾ; ഖത്തർ വിദ്യാഭ്യാസ മന്ത്രാലയം 

കാണാന്‍ ഭീമന്‍മാരാണെങ്കിലും ഈ തിമിംഗല സ്രാവുകള്‍ മനുഷ്യരെ ഉപദ്രവിക്കാറില്ല. മറ്റു സ്രാവുകളില്‍ നിന്ന് ഏറെ വ്യത്യസ്തകളുള്ള തിമിംഗല സ്രാവുകളെ ചെറിയ മീനുകളെയാണ് ഭക്ഷിക്കാറുള്ളത്. പ്രതിവര്‍ഷം മുന്നൂറോളം തിമിംഗല സ്രാവുകള്‍ ഖത്തര്‍ തീരത്ത് എത്തുന്നുണ്ടെന്നാണ് പഠനങ്ങള്‍ സൂചിപ്പിക്കുന്നത്. ഈ യാത്രക്കായി https://www.discoverqatar.qa/whale-sharks-of-qatar/ സന്ദര്‍ശിക്കുക.

Want to witness giant whale sharks up close? Head to Qatar, one of the few places in the world where these majestic creatures gather seasonally. A unique marine adventure awaits!