കൊല്ലം: എടിഎം കൗണ്ടറിൽ വെച്ച് 16-കാരിയ്ക്ക് നേരെ ലൈംഗികാതിക്രമം നടത്തിയ പ്രതിയെ പൊലിസ് അറസ്റ്റ് ചെയ്തു. കൊല്ലം, മയ്യനാട് സ്വദേശി അനിരുദ്ധ (45) നെയാണ് പള്ളിക്കൽ പൊലിസ് അറസ്റ്റ് ചെയ്തത്. കഴിഞ്ഞ ദിവസം രാവിലെ എട്ട് മണിയോടെ തിരുവനന്തപുരം മടവൂർ ജംഗ്ഷനിലെ എടിഎമ്മിൽ ആണ് സംഭവം.

ജംഗ്ഷനിലെ ആദ്യ എടിഎമ്മിൽ പണം ലഭ്യമായിരുന്നില്ല. തുടർന്ന് പ്രതി പെൺകുട്ടിയെയും കൂട്ടി അടുത്തുള്ള മറ്റൊരു എടിഎമ്മിലേക്ക് കൊണ്ടുപോയി. അവിടെ പണം എടുക്കാൻ ശ്രമിക്കുന്നതിനിടെ അനിരുദ്ധൻ ലൈംഗികാതിക്രമം നടത്തുകയായിരുന്നു. ഭയന്ന് എടിഎം കൗണ്ടറിൽ നിന്ന് ഓടി രക്ഷപ്പെട്ട പെൺകുട്ടി സംഭവം അമ്മയെ അറിയിച്ചു. തുടർന്ന്, പള്ളിക്കൽ പൊലിസിൽ പരാതി നൽകുകയായിരുന്നു. പരാതിയുടെ അടിസ്ഥാനത്തിൽ നടത്തിയ അന്വേഷണത്തിൽ സിസിടിവി പരിശോധനയിലൂടെ പ്രതിയെ തിരിച്ചറിഞു.

ALSO READ: അതിവേ​ഗം വളർന്ന് ഇലക്ട്രിക് വാഹന ചാർജിംഗ് ബിസിനസ്: 25 ലക്ഷം രൂപ വരെ വരുമാനം നേടുന്നതെങ്ങനെ

അതിക്രമത്തിന് ശേഷം ഒളിവിൽ പോയ അനിരുദ്ധനെ ഇന്നലെ രാത്രിയോടെയാണ് പൊലിസ് പിടികൂടിയത്. പോക്സോ വകുപ്പ് ഉൾപ്പെടെ ചുമത്തി അറസ്റ്റ് ചെയ്ത പ്രതിയെ കോടതി 14 ദിവസത്തേക്ക് റിമാൻഡ് ചെയ്തു.

ALSO READ: ഇന്ധനക്ഷമതയിൽ മുന്നിൽ; ഇന്ത്യയിലെ ടോപ് 5 കാറുകൾ

A 45-year-old man, Anirudhan, was arrested by Pallikkal police for sexually assaulting a 16-year-old girl at an ATM counter in Thiruvananthapuram’s Madavoor junction. The incident occurred around 8 AM when the girl visited the ATM to withdraw money. After finding no cash in the first ATM, the accused lured her to another nearby ATM, where he assaulted her. The girl escaped and informed her mother, leading to a police complaint.