നരിക്കുനി:  അധ്യാപക ദിനത്തോടനുബന്ധിച്ച് മടവൂര്‍ പഞ്ചായത്ത് എം.എസ്.എഫ് കമ്മിറ്റിയുടെ ആഭിമുഖ്യത്തില്‍ പഞ്ചായത്തിന്റെ വിവിധ ഇടങ്ങളിലുള്ള മുതിര്‍ന്ന അധ്യാപകരെ ആദരിച്ചു.  
മുന്‍ പ്രധാനാധ്യാപകനായിരുന്ന മടവൂര്‍ ഗ്രാമപഞ്ചായത്ത് പ്രസിഡന്റ് വി.സി.അബ്ദുല്‍ ഹമീദ് മാസ്റ്ററെ ഷാള്‍ അണിയിച്ചു ആദരിച്ചു.
നവാസ് ഇല്ലത്തിന്റെ അധ്യക്ഷതയില്‍ ജില്ലാ യൂത്ത് ലീഗ് സെക്രട്ടറി എ.പി നാസര്‍ മാസ്റ്റര്‍ ഉദ്ഘാടനം ചെയ്തു. ഗ്രാമപഞ്ചായത്ത് വികസന കാര്യ സ്റ്റാന്റിംഗ് കമ്മിറ്റി ചെയര്‍മാന്‍ വി.സി റിയാസ് ഖാന്‍, റാഫി ചെറച്ചോറ, എ.പി യൂസുഫലി, മുനീര്‍ പുതുക്കുടി, അനീസ് മടവൂര്‍, ജംഷീര്‍ പള്ളിത്താഴം, ഫാസില്‍ മുട്ടാഞ്ചേരി, ജുനൈസ് പറപ്പാറ തുടങ്ങിയവര്‍ സംസാരിച്ചു.