റിയാദ്: ഗസ്സയിലെ ക്ഷാമം ഔദ്യോഗികമായി പ്രഖ്യാപിച്ച ഐപിസി (സംയോജിത ഭക്ഷ്യസുരക്ഷാ ഘട്ട വര്‍ഗീകരണ) റിപ്പോര്‍ട്ടിന്റെയും പ്രദേശത്ത് പിടിമുറുക്കിയ പട്ടിണിയുടെയും സാഹചര്യത്തില്‍ ആശങ്ക പ്രകടിപ്പിച്ച് സഊദി അറേബ്യ. 

ALSO READ: വിദേശ തൊഴിലാളികൾക്കായി പെൻഷൻ, സമ്പാദ്യ പദ്ധതി ആരംഭിക്കാനൊരുങ്ങി സഊദി അറേബ്യ 

നിരായുധരായ സാധാരണക്കാര്‍ക്കെതിരെ ഇസ്‌റാഈല്‍ സൈന്യം തുടരുന്ന ആക്രമണങ്ങളെ സഊദി അപലപിക്കുകയും ചെയ്തു. കൂടുതല്‍ മോശമായിക്കൊണ്ടിരിക്കുന്ന ഗസ്സയിലെ മാനുഷിക ദുരന്തം അന്താരാഷ്ട്ര സമൂഹത്തിന് മേല്‍ ഒരു കളങ്കമായി തുടരും, സഊദി സര്‍ക്കാര്‍ പുറത്തിറക്കിയ പ്രസ്താവനയില്‍ പറയുന്നു.

ഇസ്‌റാഈല്‍ സൈന്യത്തിന്റെ തുടര്‍ച്ചയായ ആക്രമണവും വംശഹത്യാ ശ്രമവുമാണ് ഗസ്സയിലെ മാനുഷിക ദുരന്തത്തിന് കാരണമെന്നും പ്രസ്താവനയില്‍ പറയുന്നു. 

ALSO READ: രക്തദാന ക്യാമ്പയിനില്‍ പങ്കെടുത്ത് സഊദി കിരീടാവകാശി; രക്തദാനം ചെയ്യാന്‍ താമസക്കാരോട് അഭ്യര്‍ത്ഥനയും 

'ക്ഷാമം അവസാനിപ്പിക്കാനും ഫലസ്തീനെതിരായ ഇസ്‌റാഈല്‍ സൈന്യത്തിന്റെ ആക്രമണങ്ങളും വംശഹത്യാ ശ്രമവും അവസാനിപ്പിക്കാന്‍ ഐക്യരാഷ്ട്ര സഭയിലെ സ്ഥിരാംഗങ്ങള്‍ ഇടപെടുന്നില്ലെങ്കില്‍ അത് അന്താരാഷ്ട്ര തലത്തില്‍ നിന്ന് വിമര്‍ശനം വിളിച്ചുവരുത്താന്‍ ഇടായക്കാം,' സഊദി പുറത്തിറക്കിയ പ്രസ്താവനയില്‍ പറയുന്നു.

Saudi Arabia expresses deep concern over the worsening humanitarian disaster in Gaza, warning that the international community's inaction will leave a lasting stain on its conscience