ഹോങ്കോങ്: 2025 സഊദി സൂപ്പർ കപ്പ് ചാമ്പ്യന്മാരായി അൽ അഹ്ലി. ഫൈനൽ പോരാട്ടത്തിൽ അൽ നാസറിനെ പെനാൽറ്റിയിൽ വീഴ്ത്തിയാണ് അൽ അഹ്ലി കിരീടം ചൂടിയത്. മത്സരത്തിന്റെ നിശ്ചിത സമയത്തിൽ ഇരു ടീമുകളും രണ്ട് ഗോളുകൾ വീതം നേടി തുല്യത പാലിക്കുകയായിരുന്നു. ഒടുവിൽ പെനാൽറ്റിയിൽ 5-3 എന്ന സ്കോറിനാണ് അൽ നസർ പരാജയപ്പെട്ടത്. ഹോങ്കോങ്ങിൽ നടന്ന മത്സരത്തിൽ  4-2-3-1 എന്ന ഫോർമേഷനിൽ ആണ് അൽ നസർ കളത്തിൽ ഇറങ്ങിയത്. മറുഭാഗത്ത് 5-4-1 എന്ന ശൈലിയിലായിരുന്നു അൽ ഇത്തിഹാദ് പിന്തുടർന്നത്. 

സൂപ്പർതാരം ക്രിസ്റ്റ്യാനോ റൊണാൾഡോയാണ് അൽ നാസറിനായി ആദ്യ ഗോൾ നേടിയത്. മത്സരത്തിൽ അനുകൂലമായി ലഭിച്ച പെനാൽറ്റി താരം കൃത്യമായി ലക്ഷ്യത്തിൽ എത്തിക്കുകയായിരുന്നു. എന്നാൽ ആദ്യ പകുതി അവസാനിക്കാൻ നിമിഷങ്ങൾ മാത്രം ബാക്കിനിൽക്കെ ഇഞ്ചുറി ടൈമിൽ ഫ്രാങ്ക് കെസ്സി അൽ അഹ്ലിക്കായി സമനില ഗോൾ നേടി.

രണ്ടാം പകുതിയിൽ ഇരു ടീമുകളും ഗോൾ നേടാനായി ആക്രമിച്ചു കളിച്ചു.  മാർസെലോ ബ്രോസോവിച്ച് 82ാം മിനിറ്റിൽ അൽ നാസറിനെ വീണ്ടും മുന്നിലെത്തിച്ചു. എന്നാൽ 89ാം മിനിറ്റിൽ റോജർ ഇബാനെസ് വീണ്ടും അഹ്ലിയെ ഒപ്പം എത്തിക്കുകയായിരുന്നു. ഒടുവിൽ പെനാൽറ്റി വിധിയെഴുതിയ മത്സരത്തിൽ അൽ അഹ്‍ലി ആവേശവിജയം സ്വന്തമാക്കുകയായിരുന്നു. 

സെമി ഫൈനലിൽ നിലവിലെ സഊദി പ്രൊ ലീഗ് ചാമ്പ്യന്മാരായ അൽ ഇത്തിഹാദിനെ തകർത്താണ് അൽ നസർ ഫൈനൽ പോരാട്ടത്തിന് യോഗ്യത നേടിയത്. ഹോങ്കോങ്ങിൽ നടന്ന മത്സരത്തിൽ ഒന്നിനെതിരെ രണ്ട് ഗോളുകൾക്കായിരുന്നു അൽ നസറിൻ്റെ വിജയം. മറുഭാഗത്ത് അൽ ഖാദിസിയ എഫ്സിയെ വീഴ്ത്തിയാണ് അൽ അഹ്ലി ഫൈനൽ യോഗ്യത ഉറപ്പാക്കിയത്. മത്സരത്തിൽ ഒന്നിനെതിരെ അഞ്ചു ഗോളുകൾക്കാണ് അൽ അഹ്ലിയുടെ വിജയം. 

Al Ahly are the 2025 Saudi Super Cup champions Al Ahly won the title by defeating Al Nassr on penalties in the final