ഏഷ്യ കപ്പിനായുള്ള തയ്യാറെടുപ്പിലാണ് ഇന്ത്യൻ ക്രിക്കറ്റ് ടീം. സെപ്റ്റംബർ 9 മുതൽ 28 വരെയാണ് ഏഷ്യ കപ്പ് നടക്കുന്നത്. ടൂർണമെന്റിന് യുഎഇയാണ് ആതിഥേയത്വം വഹിക്കുന്നത്. നിലവിലെ ചാമ്പ്യന്മാരായ ഇന്ത്യയടക്കം എട്ട് ടീമുകൾ ഈ ടൂർണമെന്റിൽ മാറ്റുരയ്ക്കും. അഫ്ഗാനിസ്ഥാൻ, ബംഗ്ലാദേശ്, പാകിസ്ഥാൻ, ശ്രീലങ്ക, ആതിഥേയരായ യുഎഇ, ഒമാൻ, ഹോങ്കോംഗ് ചൈന എന്നിവയാണ് മത്സരിക്കുന്ന മറ്റ്‌ ടീമുകൾ. രണ്ട് ഗ്രൂപ്പുകളായി തിരിച്ചാണ് ടൂർണമെന്റ് നടക്കുക. 2026-ലെ ടി20 ലോകകപ്പിന് മുന്നോടിയായി ടി20 ഫോർമാറ്റിലാണ് മത്സരങ്ങൾ.

ഇപ്പോൾ ഇന്ത്യൻ ഏഷ്യ കപ്പിനുള്ള ഇന്ത്യൻ ടീമിൽ ഇടം നേടിയ പേസർ ഹർഷിത് റാണയെക്കുറിച്ച് സംസാരിക്കുകയാണ് ഇന്ത്യൻ താരം ആകാശ് ചോപ്ര. ഹർഷിത് റാണ മുഹമ്മദ് സിറാജിനേക്കാൾ മികച്ച ബൗളർ അല്ലെന്നാണ് ആകാശ് ചോപ്ര പറഞ്ഞത്. ഹർഷിത റാണ മികച്ച കഴിവുള്ള ബൗളർ ആയിരുന്നുവെങ്കിൽ മൂന്ന് ഫോർമാറ്റിലും ഇന്ത്യൻ പ്ലെയിങ് ഇലവനിൽ സ്ഥിരമായി ഉൾപ്പെടുമെന്നും ആകാശ് ചോപ്ര വ്യക്തമാക്കി. തന്റെ യൂട്യൂബ് ചാനലിലൂടെ സംസാരിക്കുകയായിരുന്നു അദ്ദേഹം.

"സിറാജ് തീർച്ചയായും ഏകദിനങ്ങൾ കളിക്കും. അദ്ദേഹം ഏകദിന ക്രിക്കറ്റിൽ തുടരുമെന്ന് ഞാൻ വിശ്വസിക്കുന്നുണ്ട്. അദ്ദേഹം കുറച്ചു കൂടി കാത്തിരിക്കണം. ഹർഷിത് റാണയെ മികച്ച ബൗളറായി കണക്കാക്കാൻ കഴിയില്ല.  അങ്ങനെയാണെങ്കിൽ മൂന്ന് ഫോർമാറ്റുകളിലും അദ്ദേഹം പ്ലെയിങ് ഇലവനിൽ ഇടം നേടുമായിരുന്നു.  അദ്ദേഹം ഇപ്പോഴും കളിക്കളത്തിൽ ഇല്ല.  സിറാജിനേക്കാൾ മികച്ച ബൗളറാണ് ഹർഷിത് എന്ന് ഞാൻ അവകാശപ്പെട്ടില്ല.  ഇപ്പോൾ കാര്യങ്ങൾ ഇടക്കിടെ അദ്ദേഹത്തിന് അനുകൂലമായി വരുന്നതായി തോന്നിയിട്ടുണ്ട്. പക്ഷേ സിറാജ് മികച്ചതാണ്.  നിങ്ങൾ അവരെ നേരിട്ട് താരതമ്യം ചെയ്യുകയാണെങ്കിൽ സിറാജാണ് മികച്ചതെന്ന്  വ്യക്തമാണ്" ആകാശ് ചോപ്ര പറഞ്ഞു. 

മുഹമ്മദ് സിറാജ് ഒരു വർഷത്തിലേറെയായി ഇന്ത്യക്കായി ഏകദിന മത്സരങ്ങൾ കളിച്ചിട്ടുള്ളൂ. എന്നാൽ എട്ട് ഏകദിന മത്സരങ്ങൾ കളിച്ച ഹർഷിത് റാണ ഐസിസി ചാമ്പ്യൻസ് ട്രോഫിയിലും ഇന്ത്യക്കായി കളത്തിൽ ഇറങ്ങിയിട്ടുണ്ട്.

അതേസമയം സെപ്റ്റംബർ 10ന് യുഎഇക്കെതിരെയാണ് ഏഷ്യ കപ്പിൽ ഇന്ത്യയുടെ ആദ്യ മത്സരം. ആരാധകർ ഏറെ പ്രതീക്ഷയോടെ കാത്തിരിക്കുന്ന ഇന്ത്യ-പാകിസ്ഥാൻ ഗ്രൂപ്പ് ഘട്ട മത്സരം സെപ്റ്റംബർ 14ന് നടക്കും.

2025 ഏഷ്യാ കപ്പിനുള്ള ടീം ഇന്ത്യയുടെ ടീം

സൂര്യകുമാർ യാദവ് (ക്യാപ്റ്റൻ), ശുഭ്മാൻ ഗിൽ (വൈസ് ക്യാപ്റ്റൻ), അഭിഷേക് ശർമ, തിലക് വർമ്മ, ഹാർദിക് പാണ്ഡ്യ, ശിവം ദുബെ, അക്സർ പട്ടേൽ, ജിതേഷ് ശർമ (വിക്കറ്റ് കീപ്പർ), ജസ്പ്രീത് ബുംറ, അർഷ്ദീപ് സിംഗ്, വരുൺ ചക്രവർത്തി, കുൽദീപ് യാദവ്, സഞ്ജു സാംസൺ (വിക്കറ്റ് കീപ്പർ), ഹർഷിത് റാണ, റിങ്കു സിങ്.

Indian player Aakash Chopra is talking about pacer Harshit Rana, who was included in the Indian team for the Asia Cup. Aakash Chopra said that Harshit Rana is not a better bowler than Mohammed Siraj.