ദുബൈ: ദുബൈ മെട്രോ ഉപയോഗിക്കുന്ന വിദ്യാർത്ഥികൾക്കും രക്ഷിതാക്കൾക്കും സ്റ്റുഡന്റ് നോൾ കാർഡ് വളരെയധികം ഉപയോ​ഗപ്രദമാണ്. സ്റ്റുഡന്റ് നോൾ കാർഡിന് എങ്ങനെ അപേക്ഷിക്കാം എന്നാണ് ഇവിടെ പരിചയപ്പെടുത്തുന്നത്. 

വിദ്യാർത്ഥികൾക്കുള്ള പുതിയ ആനുകൂല്യങ്ങൾ

പൊതുഗതാഗത നിരക്കുകളിൽ വിദ്യാർത്ഥികൾക്ക് ഇതിനകം ലഭിക്കുന്ന 50 ശതമാനം ഡിസ്കൗണ്ട് കൂടാതെ, യുഎഇയിൽ പഠിക്കുന്നവർക്ക് ഇനി ഷോപ്പിംഗ്, വിമാന ടിക്കറ്റുകൾ തുടങ്ങിയവയിലും ഓഫറുകളും ഡിസ്കൗണ്ടുകളും ലഭിക്കും. ആർടിഎയിലെ ഓട്ടോമേറ്റഡ് കളക്ഷൻ സിസ്റ്റം (എസിഎസ്) വിഭാഗം ഡയറക്ടർ സലാഹ് അൽ ദീൻ അൽ മർസൂക്കി, ജിറ്റെക്സ് ഗ്ലോബൽ 2024-ൽ പറഞ്ഞു.

സ്കൂളുകളുമായി സഹകരിച്ച് കാർഡിന്റെ ഉപയോഗം വിപുലീകരിക്കുകയാണ് ആർടിഎ. ഇതുവഴി നോൾ കാർഡ് സ്കൂൾ കാന്റീനുകളിൽ പേയ്‌മെന്റിനായി ഉപയോഗിക്കാം. ഇതോടെ, കുട്ടികളുടെ സ്കൂൾ യാത്രകളെക്കുറിച്ചോ, ഭക്ഷണ കാര്യത്തെക്കുറിച്ചോ രക്ഷിതാക്കൾ ആശങ്കപ്പെടേണ്ടതില്ല. പൊതുഗതാഗതം മുതൽ സ്കൂൾ ഭക്ഷണം വരെ നോൾ കാർഡ് ഉപയോഗിച്ച് നിയന്ത്രിക്കാം,” അദ്ദേഹം കൂട്ടിച്ചേർത്തു.

യോഗ്യത

യുഎഇയിലെ സ്കൂളുകളിലും സർവകലാശാലകളിലും പഠിക്കുന്ന 6 മുതൽ 23 വയസ്സുവരെയുള്ള എല്ലാ വിദ്യാർത്ഥികൾക്കും നോൾ സ്റ്റുഡന്റ് കാർഡ് ലഭ്യമാണ്.

ALSO READ: സ്കൂൾ വിദ്യാർത്ഥികൾക്ക് AI പാഠ്യപദ്ധതി ആരംഭിച്ചു സൗദി അറേബ്യ; ചെറുപ്പത്തിൽ തന്നെ സൗദി കുട്ടികൾ നിർമിതബുദ്ധിയുടെ സാധ്യത മനസ്സിലാക്കും

ആവശ്യമായ രേഖകൾ

നോൾ പേ ആപ്പ് വഴി അപേക്ഷിക്കാൻ ആവശ്യമായവ:

1) എൻറോൾമെന്റ് ലെറ്റർ അല്ലെങ്കിൽ എൻറോൾമെന്റ് സർട്ടിഫിക്കറ്റ്
2) വൈറ്റ് ബാക്ക്​ഗ്രൗണ്ടിൽ എടുത്ത ഒരു പുതിയ ഫോട്ടോ
3) സാധുവായ എമിറേറ്റ്സ് ഐഡി

എങ്ങനെ അപേക്ഷിക്കാം

നോൾ പേ ആപ്പ് വഴി കാർഡിന് എളുപ്പത്തിൽ അപേക്ഷിക്കാം, കാർഡ് നേരിട്ട് വീട്ടിലെത്തും.

1) നോൾ പേ ആപ്പ് ഡൗൺലോഡ് ചെയ്ത് യുഎഇ പാസ് അക്കൗണ്ട് ഉപയോഗിച്ച് ലോഗിൻ ചെയ്യുക. 

2) ഹോംപേജിലെ ‘+’ ഐക്കൺ ടാപ്പ് ചെയ്ത് Apply for a personalised nol card തിരഞ്ഞെടുക്കുക

3) വ്യക്തിഗത വിവരങ്ങൾ നൽകുക – മൊബൈൽ നമ്പറും ഇമെയിലും യുഎഇ പാസ് അക്കൗണ്ടിൽ നിന്ന് സ്വയം അപ്ഡേറ്റ് ചെയ്യും. 

4) ഒരു പുതിയ ഫോട്ടോ അപ്‌ലോഡ് ചെയ്യുക

5) കസ്റ്റമർ സെഗ്‌മെന്റായി Student തിരഞ്ഞെടുക്കുക, യാത്രാ ക്ലാസ് (ഗോൾഡ് അല്ലെങ്കിൽ സിൽവർ), കാർഡ് ഡിസൈൻ എന്നിവ തിരഞ്ഞെടുക്കുക

6) ഡെലിവറി വിലാസം നൽകുക

7) അപേക്ഷ സമർപ്പിച്ച ശേഷം, അപേക്ഷ ട്രാക്ക് ചെയ്യാൻ ഒരു റഫറൻസ് നമ്പർ ലഭിക്കും. സാധാരണയായി നാല് പ്രവൃത്തി ദിവസങ്ങൾക്കുള്ളിൽ കാർഡ് ഡെലിവർ ചെയ്യപ്പെടും.

ചെലവ്

1) സിൽവർ പേഴ്‌സണലൈസ്ഡ് നോൾ കാർഡ്: 70 ദിർഹം (50 ദിർഹം അപേക്ഷ ഫീ + 20 ദിർഹം നോൾ കാർഡ് ക്രെഡിറ്റ്)

2) ഐഎസ്ഐസി രജിസ്ട്രേഷൻ: അധികമായി 25 ദിർഹം

A Student NOL Card is a smart card designed for students in Dubai, offering discounted fares on public transportation, including metros, buses, trams, and water buses. Here's how to apply: