റിയാദ്: പുണ്യനഗരമായ മദീനയിൽ എത്തുന്ന വിശ്വാസികളുടെ എണ്ണത്തിൽ വൻവർധനവ്. നേരത്തേ പ്രവാചക പള്ളിയിലെ സേവനങ്ങൾ മെച്ചപ്പെടുത്താനും തീർത്ഥാടകർക്ക് സുഗമമായ അനുഭവം ഉറപ്പാക്കാനും അധികൃതർ നടപടി സ്വീകരിച്ചിരുന്നു.

ALSO READ: ഗസ്സയിലെ ഇസ്‌റാഈല്‍ ആക്രമണം അവസാനിപ്പിക്കാന്‍ അന്താരാഷ്ട്ര സമൂഹത്തിന്റെ അടിയന്തര ഇടപെടല്‍ അനിവാര്യം; സഊദി വിദേശകാര്യ മന്ത്രി

കാര്യക്ഷമമായ ഗതാഗതം, മാർഗനിർദേശം, കാറ്ററിംഗ് സേവനങ്ങൾ എന്നിവ ഉറപ്പാക്കി തീർത്ഥാകർക്ക് മികച്ച സൗകര്യങ്ങളാണ് അധികൃതർ മദീനയിൽ ഒരുക്കിയിരിക്കുന്നത്. സഊദി പ്രസ് ഏജൻസി (SPA) യുടെ റിപ്പോർട്ട് പ്രകാരം, മസ്ജിദുന്നബവിയുടെയും മസ്ജിദുൽ ഹറമിന്റെയും കാര്യങ്ങൾ കൈകാര്യം ചെയ്യുന്ന ജനറൽ അതോറിറ്റി മറ്റ് ഏജൻസികളുമായി ചേർന്ന് പള്ളിയിലും മുറ്റങ്ങളിലും സമഗ്രമായ സേവന സംവിധാനമാണ് ഒരുക്കിയിട്ടുള്ളത്.

മദീനയിലേക്കുള്ള വിശ്വാസികളുടെ ഒഴുക്ക് ഇപ്പോഴും തുടരുകയാണ്. മദീനയിലെത്തുന്ന വിശ്വാസികൾ ന​ഗരത്തിലെ ചരിത്രപ്രസിദ്ധമായ പള്ളികളും മറ്റും സന്ദർശിച്ചാണ് മടങ്ങാറുള്ളത്. പ്രതിദിനം ആയിരക്കണക്കിന് വിശ്വാസികളെയാണ് മദീന ന​ഗരം ഇപ്പോൾ സ്വാഗതം ചെയ്യുന്നത്. അധികൃതർ ഒരുക്കിയ സേവനങ്ങളും സൗകര്യങ്ങളും തീർത്ഥാടകർക്ക് ആത്മീയമായി സംതൃപ്തമായ അനുഭവം ഉറപ്പാക്കുന്നു.

ALSO READ: ഒരാഴ്ച കൊണ്ട് പിടിയിലായത് 22000 ലധികം പേർ; നിയമലംഘകരെ പിടികൂടാൻ പരിശോധനകൾ കടുപ്പിച്ച് സഊദി അറേബ്യ 

ജനറൽ അതോറിറ്റി ഫോർ സ്റ്റാറ്റിസ്റ്റിക്സ് (GASTAT)  അനുസരിച്ച്, 2025-ലെ ആദ്യ പാദത്തിൽ 6.45 ദശലക്ഷം തീർത്ഥാടകരാണ് മദീന സന്ദർശിച്ചത്. ഇതിൽ 4.4 ദശലക്ഷം പേർ വിദേശത്തു നിന്നുള്ളവരാണ്. മക്കയിൽ ഉംറ പൂർത്തിയാക്കിയ ശേഷം, നിരവധി തീർത്ഥാടകരാണ് പ്രവാചകന്റെ പള്ളിയും മദീനയിലെ പ്രധാനപ്പെട്ട മറ്റു പല ചരിത്ര സ്മാരകങ്ങളും കാണാനെത്തുന്നത്. തീർത്ഥാടകർക്ക് ആത്മീയവും സുഖകരവുമായ അനുഭവം ഉറപ്പാക്കുന്നതിന് മദീനയിൽ മെച്ചപ്പെട്ട സേവനങ്ങൾ ഒരുക്കാൻ തങ്ങൾ പ്രതിജ്ഞാബദ്ധരാണെന്ന് അധികൃതർ ആവർത്തിച്ചു.

Saudi Arabia enhances infrastructure and services in Medina as the number of Muslim pilgrims and visitors continues to rise. Discover what's new in this holy city.