ദുബൈ: ഓണം ആഘോഷങ്ങൾ അടുത്തുവരുന്നതിനാൽ, യുഎഇയിലെ വിമാനക്കമ്പനികളും ട്രാവൽ ഏജൻസികളും പ്രവാസികൾക്ക് കേരളത്തിലേക്ക് കുറഞ്ഞ നിരക്കിൽ യാത്ര ചെയ്യാൻ അവസരമൊരുക്കുന്നതിനുള്ള തിരക്കിലാണ്. 189 ദിർഹം മുതൽ ആരംഭിക്കുന്ന പ്രത്യേക ഓഫറുകളുമായി ഒന്നിലധികം ഏജൻസികളും എയർലൈനുകളും രംഗത്തെത്തിയിട്ടുണ്ട്.

എയർ അറേബ്യയുടെ സർപ്രൈസ്

ഓണത്തിന്റെ ആവേശത്തിൽ പങ്കുചേർന്ന് എയർ അറേബ്യ അബൂദബിയിൽ നിന്ന് കോഴിക്കോട്ടേക്കുള്ള വൺവേ ടിക്കറ്റുകൾ 255 ദിർഹത്തിന് വാഗ്ദാനം ചെയ്യുന്നു. ഷാർജയിൽ നിന്ന് കൊച്ചിയിലേക്കുള്ള വൺവേ ടിക്കറ്റുകൾ 349 ദിർഹത്തിനും, 2025 ഒക്ടോബർ 10, 11 തീയതികളിൽ ഷാർജയിൽ നിന്ന് തിരുവനന്തപുരത്തേക്കുള്ള ടിക്കറ്റുകൾ 399 ദിർഹത്തിനും ലഭ്യമാണ്.

ALSO READ: ഈ വർഷം ഇതുവരെ 12,000-ലധികം ലംഘനങ്ങൾ; പബ്ലിക് വൈഫൈ ഉപയോ​ഗിക്കുന്നവർ സൂക്ഷിക്കണമെന്ന് മുന്നറിയിപ്പ് 

സ്മാർട്ട് ട്രാവൽ ഗ്രൂപ്പ്, അവരുടെ പത്താം വാർഷികത്തോടനുബന്ധിച്ച്, ദുബൈയിൽ നിന്ന് കോഴിക്കോട്ടേക്കുള്ള വൺവേ ടിക്കറ്റുകൾ 189 ദിർഹത്തിന് വാഗ്ദാനം ചെയ്യുന്നു. ഇതിൽ 30 കിലോ ബാഗേജ് അലവൻസും ഉൾപ്പെടുന്നു. ഈ ഓഫർ ഓണത്തിന് തലേന്ന്, സെപ്റ്റംബർ 4-നാകും ലഭ്യമാകുക. കൊച്ചിയിലേക്ക് 299 ദിർഹത്തിനും കണ്ണൂരിലേക്ക് 310 ദിർഹത്തിനും വൺവേ ടിക്കറ്റുകൾ ലഭ്യമാണ്. 

“കുടുംബത്തോടൊപ്പം ഓണം ആഘോഷിക്കാൻ ആ​ഗ്രഹിക്കുന്ന പ്രവാസികൾക്കിത് സുവർണാവസരമാണ്,” സ്മാർട്ട് ട്രാവൽസ് ചെയർമാൻ ആഫി അഹമ്മദ് പറഞ്ഞു.

ALSO READ: ഷെയ്ഖ് മുഹമ്മദ് ബിൻ സായിദ് റോഡിൽ അപകടം; വാഹനമോടിക്കുന്നവർക്ക് മുന്നറിയിപ്പ് നൽകി ഷാർജ പൊലിസ് 

500 ദിർഹത്തിന് അൽഹിന്ദ് ട്രാവൽ ആൻഡ് ടൂറിസം കേരളത്തിലേക്കുള്ള വൺവേ ടിക്കറ്റുകൾ അവതരിപ്പിച്ചു. എന്നാൽ, മടക്ക യാത്രകൾക്കുള്ള ടിക്കറ്റ് നിരക്ക് ഉയർന്നതാണ്. ഉദാഹരണത്തിന്, ആഗസ്റ്റ് 30 മുതൽ സെപ്റ്റംബർ 5 വരെയുള്ള മടക്ക യാത്രകൾക്ക് 1,580 ദിർഹം വരെ ചെലവാകും.

വേനൽക്കാല അവധി അവസാനിക്കുന്നതോടെ സ്കൂൾ വിദ്യാർത്ഥികളും പ്രവാസികളും ഓണം ആഘോഷിക്കാൻ കേരളത്തിലേക്ക് മടങ്ങുന്നതിനാൽ യാത്രാ തിരക്ക് വർധിക്കുമെന്നാണ് വിവിധ ട്രാവൽ ഏജൻസികൾ കണക്കുകൂട്ടുന്നത്. വിമാന ടിക്കറ്റുകൾ നേരത്തെ ബുക്ക് ചെയ്യാൻ യാത്രക്കാരോട് ട്രാവൽ ഏജൻസികൾ നിർദേശിക്കുന്നു. ഓണത്തിരക്കിൽ ടിക്കറ്റുകൾ വേഗത്തിൽ വിറ്റുതീരാനുള്ള സാധ്യത കൂടുതലാണ്. 

airlines like air india express and travel agencies offer one-way tickets from uae to kerala starting at 189 dirhams. explore budget-friendly deals from dubai, abu dhabi, and sharjah to kochi, kozhikode, and thiruvananthapuram.