കോഴിക്കോട്: എളമരം കടവിനോട് ചേർന്നുള്ള മാവൂർ ഗ്രാസിം ഫാക്ടറിക്ക് സമീപം പുലിയെ കണ്ടതായി യാത്രക്കാരന്റെ വെളിപ്പെടുത്തൽ.

ഇന്ന് (ഓഗസ്റ്റ് 25, 2025) രാത്രി 9:20-നാണ് സംഭവം. ഗ്രാസിം ഫാക്ടറിയുടെ പറമ്പിലേക്ക് പുലി കടന്നുപോകുന്നത് കണ്ടെന്നാണ് യാത്രക്കാരൻ പറഞ്ഞത്. സംഭവത്തിൽ വനംവകുപ്പ് അധികൃതരെ വിവരം അറിയിച്ചിട്ടുണ്ട്. മാവൂർ പൊലിസും പഞ്ചായത്ത് അധികൃതരും സ്ഥലത്ത് എത്തിയിട്ടുണ്ട്. പ്രദേശവാസികളോട് ജാ​ഗ്രത പാലിക്കാനും രാത്രിയിൽ അനാവശ്യമായി പുറത്തിറങ്ങരുതെന്നും മുന്നറിയിപ്പ് നൽകിയിട്ടുണ്ട്. രാത്രി ഏറെ നേരം വൈകിയതിനാലും ഇനി തിരച്ചിൽ നടത്തുന്നത് ദുഷ്കരമായതിനാലാണ് പ്രദേശവാസികളോട് അതീവ ജാ​ഗ്രത പാലിക്കാൻ നിർദേശം നൽകിയത്. അതേസമയം വനംവകുപ്പ് ഉദ്യോ​ഗസ്ഥർ രാവിലെ തിരച്ചിൽ നടത്തുമെന്ന് അറിയിച്ചതായാണ് വിവരം.

updating..

ALSO READ: വനത്തിൽ അതിക്രമിച്ച് കയറി പുള്ളിമാനിനെ കുരുക്ക് വെച്ച് പിടികൂടി: ഇറച്ചിയടക്കം രണ്ട് പേർ വനംവകുപ്പ് പിടിയിൽ

A traveler reported spotting a leopard near the Grasim factory in Mavoor, Kozhikode, at 9:20 PM on August 25, 2025. Forest officials have been informed and have initiated a search in the area.