ജമ്മു കശ്മീരിലെ പൂഞ്ച് ജില്ലയിൽ നിയന്ത്രണ രേഖയ്ക്ക് (എൽഒസി) സമീപമുള്ള പ്രദേശങ്ങളിൽ പാക് ഡ്രോണുകൾ കണ്ടെത്തിയതിനെ തുടർന്ന് സുരക്ഷാസേന വ്യാപകമായ തിരച്ചിൽ ആരംഭിച്ചു. ഞായറാഴ്ച രാത്രി 9:15-ന് മെന്ധർ മേഖലയിലെ ബാലകോട്ട്, ലാംഗോട്ട്, ഗുർസായ് നല്ല എന്നിവിടങ്ങളിൽ അതിർത്തിക്കപ്പുറത്തു നിന്നുള്ള ഡ്രോണുകളുടെ സഞ്ചാരം ശ്രദ്ധയിൽപ്പെട്ടതായി ഉദ്യോഗസ്ഥർ അറിയിച്ചു.

നിരീക്ഷണത്തിനായി അയച്ചതെന്ന് വിശ്വസിക്കപ്പെടുന്ന ഈ ഡ്രോണുകൾ വളരെ ഉയരത്തിൽ പറന്നിരുന്നതായും അഞ്ച് മിനിറ്റിനുള്ളിൽ പാകിസ്ഥാൻ ഭാഗത്തേക്ക് മടങ്ങിയതായും അവർ പറഞ്ഞു.

ALSO READ: മോദിയുടെ 'ബിരുദം' രഹസ്യമായി തുടരും; ഡിഗ്രി സര്‍ട്ടിഫിക്കറ്റ് പരസ്യമാക്കേണ്ടതില്ലെന്ന് ഡല്‍ഹി ഹൈക്കോടതി, വിവരാവകാശ കമ്മീഷന്റെ ഉത്തരവ് തള്ളി 

അതേസമയം, ആയുധങ്ങളോ മയക്കുമരുന്നോ ഡ്രോണുകൾ വഴി വലിച്ചെറിഞ്ഞിട്ടില്ലെന്ന് ഉറപ്പുവരുത്താൻ, ഡ്രോണുകൾ കണ്ടെത്തിയ പ്രദേശങ്ങളിൽ പുലർച്ചെ മുതൽ സുരക്ഷാസേന തിരച്ചിൽ നടത്തിവരികയാണ്.

കഴിഞ്ഞ കുറച്ച് വർഷങ്ങളായി പാകിസ്ഥാൻ ആയുധങ്ങളും മയക്കുമരുന്നും വലിച്ചെറിയാൻ ഡ്രോണുകൾ ഉപയോഗിക്കുന്നുണ്ട്. ഇത് സുരക്ഷാ ഏജൻസികൾക്ക് ഒരു വലിയ വെല്ലുവിളിയാണ്. ഇതിന്റെ പശ്ചാത്തലത്തിൽ, കഴിഞ്ഞ വർഷം ഫെബ്രുവരിയിൽ, ഡ്രോണുകൾ കണ്ടതായി വിവരം നൽകുന്നവർക്ക് പൊലിസ് മൂന്ന് ലക്ഷം രൂപ പാരിതോഷികം പ്രഖ്യാപിച്ചിരുന്നു.

Security forces have launched a massive search operation in Jammu and Kashmir's Poonch district after multiple drones from across the border were spotted hovering over forward areas along the Line of Control (LoC). The drones were detected on Sunday night at 9:15 pm in the Mendhar sector, specifically over Balakote, Langote, and Gursai nallah, before returning to the Pakistani side within five minutes. A large-scale search was initiated at first light on Monday to ensure that no weapons or narcotics were airdropped during the brief incursion. This incident highlights the need for heightened vigilance along the LoC and continuous monitoring to counter evolving security threats ¹.