ബംഗളൂരു: ധര്‍മസ്ഥലയിലെ ദുരൂഹമരണങ്ങള്‍ സംബന്ധിച്ച വെളിപ്പെടുത്തല്‍ നടത്തിയ മുന്‍ ശുചീകരണ തൊഴിലാളി ബെല്‍ത്തങ്ങാടി കോടതിയില്‍ ഹാജരാക്കിയ തലയോട്ടി ആരുടെതെന്ന് കണ്ടെത്താനായില്ല. പ്രത്യേക അന്വേഷണ സംഘത്തിന്റെ (എസ്.ഐ.ടി) ആവശ്യപ്രകാരം തലയോട്ടിയും ചില അസ്ഥിഭാഗങ്ങളും ഫോറന്‍സിക് ലബോറട്ടറിയില്‍ നടത്തിയ പരിശോധനയില്‍ തലയോട്ടി ആരുടെതെന്ന് കണ്ടെത്താനായില്ല. അതേസമയം, തലയോട്ടി പുരുഷന്റേതാണെന്നും തലയോട്ടിയില്‍ പറ്റിപ്പിടിച്ച മണ്ണ് ധര്‍മസ്ഥലയിലേതല്ലെന്നും തിരിച്ചറിഞ്ഞതായുള്ള വിവരം പുറത്തുവന്നു.

നേരത്തെ, ബെല്‍ത്തങ്ങാടി കോടതിയില്‍ ഹാജരായി രഹസ്യമൊഴി നല്‍കിയപ്പോഴും എസ്.ഐ.ടിയുടെ ചോദ്യം ചെയ്യലിലും തലയോട്ടി ധര്‍മസ്ഥലയില്‍ ബലാത്സംഗത്തിനിരയായ സ്ത്രീയുടേതെന്നാണ് മുന്‍ ശുചീകരണ തൊഴിലാളി ചിന്നയ്യ മൊഴി നല്‍കിയിരുന്നത്. എന്നാല്‍, ഇയാളുടെ മൊഴി തെറ്റെന്ന് തെളിയിക്കുന്നതാണ് ഫോറന്‍സിക് പരിശോധനാ ഫലം എന്നാണ് വിവരം.

ഇന്ന് ഉദ്യോഗസ്ഥര്‍ പ്രത്യേക യോഗം ചേരും

അതേസമയം, തലയോട്ടിയുടെ ഫോറന്‍സിക് പരിശോധന സംബന്ധിച്ച റിപ്പോര്‍ട്ടുകളോട് എസ്.ഐ.ടി പ്രതികരിച്ചിട്ടില്ല. ഇക്കാര്യത്തില്‍ ഇന്ന് ഉദ്യോഗസ്ഥര്‍ പ്രത്യേക യോഗം ചേര്‍ന്ന് തുടര്‍നടപടി തീരുമാനിക്കുമെന്നാണ് അറിയുന്നത്. വ്യാജ മൊഴി നല്‍കിയതിന് അറസ്റ്റിലായ ചിന്നയ്യയെ കൂടുതല്‍ ചോദ്യം ചെയ്യാനുള്ള നീക്കത്തിലാണ് എസ്.ഐ.ടി. നേരത്തെ ബെല്‍ത്തങ്ങാടി ക്യാമ്പ് ഓഫീസില്‍ വച്ച് എസ്.ഐ.ടി മേധാവിയുടെ സാന്നിധ്യത്തില്‍ നടത്തിയ ചോദ്യം ചെയ്യലില്‍ ചിന്നയ്യ വെളിപ്പെടുത്തിയ ചില കാര്യങ്ങളില്‍ അന്വേഷണ സംഘം വ്യക്തത വരുത്തിയിട്ടുണ്ട്. എന്നാല്‍, പരസ്പര വിരുദ്ധമായ ഇയാളുടെ മൊഴിയെ എത്രത്തോളം ആശ്രയിക്കാനാകും എന്നതും എസ്.ഐ.ടിയെ കുഴയ്ക്കുന്നുണ്ട്. സാക്ഷി നേരത്തെ നടത്തിയ വെളിപ്പെടുത്തലുകള്‍ സംബന്ധിച്ചും പിന്നീട് നടത്തിയ മൊഴിമാറ്റവും വിശയദമായ പരിശോധനയ്ക്ക് വിധേയമാക്കാനും ശാസ്ത്രീയ തെളിവുകള്‍ ശേഖരിച്ച് അന്വേഷണം മുമ്പോട്ട് കൊണ്ടുപോകാനുമാണ് എസ്.ഐ.ടിയുടെ നീക്കം.

വര്‍ഗീയ പ്രചാരണത്തിന് ഹിന്ദുത്വ ഗ്രൂപ്പുകള്‍

ധര്‍മസ്ഥല ദുരൂഹമരണങ്ങള്‍ സംബന്ധിച്ച ആരോപണങ്ങളുടെ അന്വേഷണത്തിലുണ്ടായ വഴിത്തിരിവ് വര്‍ഗീയമായി മുതലെടുക്കാന്‍ തീവ്രഹിന്ദുത്വ ഗ്രൂപ്പുകള്‍. വ്യാജ വിവരങ്ങളും തെറ്റായ മൊഴിയും നല്‍കി അന്വേഷണ സംഘത്തെ കുഴക്കിയ മുന്‍ ശുചീകരണ തൊഴിലാളിക്കെതിരേ കേസെടുത്തതിന് പിന്നാലെ ധര്‍മസ്ഥലയ്‌ക്കെതിരായി വിദേശത്തുനിന്നടക്കമുള്ള ഗൂഢാലോചന എന്ന ആരോപണമാണ് ഹിന്ദുത്വ ഗ്രൂപ്പുകളില്‍ പ്രചരിക്കുന്നത്. ഹിന്ദു ക്ഷേത്രത്തിനെതിരേ ഇതര മതസ്ഥരുടെ നേതൃത്വത്തില്‍ നടന്ന വന്‍ ഗൂഢാലോചനയാണ് സാക്ഷിയുടെ വെളിപ്പെടുത്തലെന്നും ഇതിനുപിന്നില്‍ രാജ്യാന്തര ബന്ധമുണ്ടെന്നുമുള്ള വിദ്വേഷ പ്രചാരണമാണ് ഹിന്ദുത്വ ഗ്രൂപ്പുകള്‍ വ്യാപകമായി നടത്തുന്നത്.

എന്‍ഐഎ അന്വേഷിക്കണമെന്ന് ബിജെപി

സാക്ഷിക്കെതിരായ നടപടി വന്നതിന് പിന്നാലെ കേസിനെ രാഷ്ട്രീയമായി ഉപയോഗിക്കാനായി ബി.ജെ.പിയും രംഗത്തുവന്നിരുന്നു. ധര്‍മസ്ഥലയെ അപകീര്‍ത്തിപ്പെടുത്താനും തകര്‍ക്കാനുമുള്ള നീക്കത്തിന് പൊലിസും സംസ്ഥാനത്തെ കോണ്‍ഗ്രസ് സര്‍ക്കാരും കൂട്ടുനിന്നെന്ന് ബി.ജെ.പി ആരോപിച്ചു. കേസന്വേഷണം കേന്ദ്ര ഏജന്‍സിയായ എന്‍.ഐ.എക്ക് കൈമാറണമെന്ന് ബി.ജെ.പി സംസ്ഥാന അധ്യക്ഷന്‍ ആവശ്യപ്പെട്ടു. കര്‍ണാടക പൊതുമരാമത്ത് മന്ത്രി സതീഷ് ജാര്‍ക്കിഹോളിയും എന്‍.ഐ.എ അന്വേഷണം വേണമെന്ന ആവശ്യവുമായി രംഗത്തെത്തി. 

ALSO READ: 'അന്ന് എന്നും ഒരു നിശ്ചിതസമയത്ത് സുഹൃത്തിനെ വിളിക്കും, വിളി വൈകിയാല്‍ ഞാന്‍ അറസ്റ്റിലായെന്ന് കരുതണം..' ഫൈനല്‍ സൊലൂഷന്‍ ഡോക്യുമെന്ററിയെക്കുറിച്ച് രാകേഷ് ശര്‍മ്മ സംസാരിക്കുന്നു

In a sensational twist to the much-publicised “Dharmasthala skull” case that attracted national and international attention, SIT investigations have revealed that the so-called skull presented as evidence was in fact a fake. According to SIT sources, the skull handed over by witness-turned-accused Chinnayya C N (earlier referred to as “anonymous”) had actually been procured by his gang from a medical research centre.