തിരുവനന്തപുരം: പ്രവേശന തിയ്യതി നീട്ടണമെന്ന നിര്‍ദേശം അംഗീകരിക്കാന്‍ സ്വാശ്രയ മെഡിക്കല്‍ കോളജുകള്‍ തയ്യാറാവാത്തതിനെ തുടര്‍ന്ന് എം.ബി.ബി.എസിന് അപേക്ഷിക്കാനുള്ള തിയ്യതി വീണ്ടും നീട്ടി. ജെയിംസ് കമ്മിറ്റിയാണ് തിയ്യതി വീണ്ടും നീട്ടിയത്. മാനേജ്‌മെന്റ് സീറ്റുകളിലേക്കും ഡെന്റല്‍ കോളജുകളിലേക്കും അപേക്ഷിക്കാനുള്ള തിയ്യതി സെപ്റ്റംബര്‍ ഒമ്പത് വരെ നീട്ടിയിട്ടുണ്ട്.

കേരള മെഡിക്കല്‍ കോളേജ് ചെര്‍പ്പുളശ്ശേരി, എസ്.ആര്‍ മെഡിക്കല്‍ കോളേജ് വര്‍ക്കല എന്നിവയുടെ പ്രോസ്‌പെക്ടസുകള്‍ക്കുള്ള അംഗീകാരം പിന്‍വലിക്കാന്‍ കമ്മിറ്റി തീരുമാനിച്ചു. ആരോഗ്യസര്‍വകലാശാല അംഗീകാരം നല്‍കാത്തതിനെ തുടര്‍ന്ന് ഇവയുടെ പ്രോസ്‌പെക്ടസിനുള്ള അംഗീകാരം പിന്‍വലിക്കാന്‍ ജെയിംസ് കമ്മിറ്റി തീരുമാനിച്ചത്. മെഡിക്കല്‍ കൗണ്‍സില്‍ അംഗീകാരം നല്‍കാത്തതിനെ തുടര്‍ന്ന് കെ.എം.സി.ടി മെഡിക്കല്‍ കോളജിന്റെ പ്രോസ്‌പെക്ടസ് അംഗീകാരവും റദ്ദാക്കി.